ഭോപ്പാല് . പ്രധാനമന്ത്രി നരേന്ദ്ര മോദിയുടെയും കേന്ദ്ര ആഭ്യന്തര മന്ത്രി അമിത് ഷായുടെയും സാന്നിധ്യത്തിൽ മധ്യപ്രദേശ് മുഖ്യമന്ത്രിയായി മോഹന് യാദവ് സത്യപ്രതിജ്ഞ ചെയ്ത് അധികാരമേറ്റു. ഉപമുഖ്യമന്ത്രിമാരായ രാജേന്ദ്ര ശുക്ല, ജഗദീഷ് ദേവ്ദ എന്നിവരും സത്യപ്രതിജ്ഞ ചെയ്തു.
ഉജ്ജയിന് സൗത്ത് മണ്ഡലത്തില് നിന്ന് എംഎല്എയായി തെരഞ്ഞെടുക്കപ്പെട്ട യാദവ്, ബിജെപിയിലെ ശക്തമായ ഒബിസി മുഖമാണ് എന്നതാണ് എടുത്ത് പറയേണ്ടത്. 58 വയസ്സുകാരനായ യാദവ്, മൂന്നാം തവണയാണ് നിയമസഭയിലെത്തിയിരിക്കുന്നത്.
2013ൽ ഉജ്ജൈയിനിൽ നിന്നും തിരഞ്ഞെടുക്കപ്പെട്ട അദ്ദേഹം 2018ലും 2023ലും കോട്ടയിൽ നിന്നാണ് തിരഞ്ഞെടുക്കപ്പെടുന്നത്. എൽ എൽ ബി, എം ബി എ, പി എച്ച് ഡി വിദ്യാഭ്യാസ യോഗ്യതകൾ ഉള്ള യാദവ് കഴിഞ്ഞ ശിവരാജ് സിംഗ് ചൗഹാൻ മന്ത്രിസഭയിൽ ഉന്നത വിദ്യാഭ്യാസ മന്ത്രിയായിരുന്നു. ആർ എസ് എസിന്റെ ശക്തമായ പിന്തുണയുള്ള നേതാവാണ് മോഹൻ യാദവ്.
ഛത്തീസ്ഗഢ് മുഖ്യമന്ത്രിയായി വിഷ്ണുദേവ് സായിയും ബുധനാഴ്ച ഉച്ചയ്ക്ക് ശേഷം സത്യപ്രതിജ്ഞ ചെയ്ത് അധികാരമേൽക്കുന്നുണ്ട്. ഛത്തീസ്ഗഢിൽ മുഖ്യമന്ത്രിയാകുന്ന ആദ്യ വനവാസി വിഭാഗക്കാര നാണ് 59 വയസ്സുകാരനായ വിഷ്ണുദേവ് സായി. മുൻ എം പിയും കേന്ദ്രമന്ത്രിയുമാണ് അദ്ദേഹം. വിജയ് ശർമ്മ, അരുൺ സാവോ എന്നിവരാണ് ഛത്തീസ്ഗഡിലെ ഉപമുഖ്യമന്ത്രിമാരായി അധികാരമേൽക്കുക.