തൃശ്ശൂർ . പൊലീസിന്റെ അനാവശ്യ നിയന്ത്രണങ്ങളെ തുതുടർന്നു തൃശൂർ പൂരം പ്രതിസന്ധിയിൽ ആക്കിയ വിമർശനത്തിനിടെ ആനകൾക്ക് പട്ട കൊണ്ടുവരുന്നവരെയും കുടമാറ്റത്തിന് കുട കൊണ്ടുവരുന്നവരെയും പോലീസ് തടയുന്ന ദൃശ്യങ്ങൾ പുറത്ത്. തൃശ്ശൂർ സിറ്റി പോലീസ് കമ്മീഷണർ അങ്കിത് അശോകിന്റെ നേതൃത്വത്തിൽ പട്ടയും കുടയും കൊണ്ടുവരുന്നവരെ തടയുന്നതും ആക്രോശിക്കുന്നതുമായ ദൃശ്യങ്ങളാണ് പുറത്ത് വന്നിരിക്കുന്നത്.
‘എടുത്തുകൊണ്ടു പോടാ പട്ട’ എന്ന് കമ്മീഷണർ കയർക്കുന്നത് ദൃശ്യങ്ങളിൽ ഉണ്ട്. തിരുവമ്പാടിയുടെ കുടമാറ്റത്തിനുള്ള ശ്രീരാമന്റെ കുട കൊണ്ടുവന്നവരെയും പോലീസ് തടഞ്ഞിരുന്നു. എന്നാൽ ഒരു പട്ടയോ കുടയോ കൊണ്ട് നിരവധി പേർ അകത്തു കടക്കാൻ ശ്രമിച്ചപ്പോഴാണ് ഇങ്ങനെ തടഞ്ഞത് എന്നാണ് കമ്മീഷണർ നൽകുന്ന വിശദീകരണം. രാത്രി പൂരം പോലീസ് കലക്കിയെന്ന ആരോപണത്തിൽ അന്വേഷണം വേണമെന്ന് മൂന്ന് മുന്നണികളും ആവശ്യപ്പെട്ടിരിക്കുകയാണ്.
