തിരുവനന്തപുരം . മുഖ്യമന്ത്രിക്കെതിരെ സെക്രട്ടറിയേറ്റിനു മുന്നിൽ സമരം ചെയ്യുന്നയാൾ അസഭ്യം പറഞ്ഞതിന് പോലീസ് കേസെടുത്തു. വെള്ളറട സ്വദേശി ശ്രീജിത്തിനെതിരെയാണ് കേസ്. സെക്രട്ടറിയേറ്റിനു മുന്നിൽ മെഗഫോൺ ഉപയോഗിച്ച് ശ്രീജിത്ത് മുഖ്യമന്ത്രിക്കെതിരെ അസഭ്യ വർഷം നടത്തിയതിന് കന്‍റോൺമെന്‍റ് പൊലീസാണ് കേസെടുത്തത്.
പാറശാല പൊലീസ് കസ്റ്റഡിയിൽ വച്ച് സഹോദരനെ മർദിച്ച് കൊന്നു എന്നാരോപിച്ചാണ് സെക്രട്ടറിയേറ്റിനു മുന്നിൽ വർഷങ്ങളായി ശ്രീജിത്ത് സമരം ചെയ്തു വരികയാണ്. തുടർന്ന് സംഭവത്തിൽ സർക്കാർ ഇടപെട്ട് സിബിഐ അന്വേഷണം നടത്തിയെങ്കിലും ഉദ്യോഗസ്ഥർക്ക് ഇതിൽ പങ്കില്ലെന്ന് കണ്ടെത്തുകയായിരുന്നു. എന്നാൽ ശ്രീജിത്ത് വീണ്ടും സമരം തുടരുകയാണ് ഉണ്ടായത്.
സെക്രട്ടറിയേറ്റിനു മുന്നിൽ എത്തുന്ന പൊലീസുക്കാരെയും മാധ്യമപ്രവർത്തകരെയടക്കം അസഭ്യം പറയുക ഇയാളുടെ പതിവാണ്. ഇത്തരത്തിൽ ഇയാൾ കഴിഞ്ഞി ദിവസം മുഖ്യമന്ത്രിക്കെതിര അസഭ്യവർഷം നടത്തിയത് വഴിയാത്രക്കാരിൽ ഒരാൾ ഫോണിൽ പകർത്തുകയാണ് ഉണ്ടായത്. ഇത് സമൂഹ മാധ്യമങ്ങളിലൂടെ പ്രചരിച്ചതോടെയാണ് പൊലീസ് കേസെടുത്തത്.
