മൂന്നു മത്സരങ്ങളുടെ ഏകദിന പരമ്പര ഓസ്‌ട്രേലിയക്ക് മുന്നില്‍ അടിയറവെച്ച ഇന്ത്യ, അവസാനത്തെ മത്സരത്തിനായി ബുധനാഴ്ച കാന്‍ബെറയിലിറങ്ങും. ആശ്വാസജയം നേടേണ്ടത് ഇന്ത്യയെ സംബന്ധിച്ചിടത്തോളം പരമപ്രധാനമാണ്. മറുവശത്ത് ഓസ്‌ട്രേലിയ അവശേഷിക്കുന്ന മത്സരം കൂടി ജയിച്ച് സമ്ബൂര്‍ണ പരമ്ബര വിജയത്തിനാണ് ഒരുങ്ങുന്നത്. ആദ്യ ഏകദിനത്തില്‍ 66 റണ്‍സിനും ഓസ്‌ട്രേലിയ ഇന്ത്യയെ പരാജയപ്പെടുത്തിയത്.
ഇന്തയന്‍ ടീം അംഗങ്ങള്‍ വിജയത്തോടെ ഈ പരമ്പര പൂര്‍ത്തികരിക്കാന്‍ ്ആഗ്രഹിക്കുമ്പോള്‍, നായകന്‍ കാത്തിരിക്കുന്നത് മറ്റൊരു വ്യക്തിഗത റെക്കോര്‍ഡ് കൂടിയാണ്. ലോകത്തിലെ ഇന്നുള്ള ഏറ്റവും മികച്ച ബാറ്റ്‌സ്മാനായി കരുതപ്പെടുന്ന കോഹ്ലി ഏറ്റവും വേഗത്തില്‍ ഏകദിനമത്സരങ്ങളില്‍ 12,000 റണ്‍സ് തികയ്ക്കുന്ന താരമാകാന്‍ ഒരുങ്ങുകയാണ്. ഇതിഹാസതാരം സച്ചിന്‍ ടെന്‍ഡുല്‍ക്കറിന്റെ പേരിലുള്ള റെക്കോര്‍ഡാണ് കോഹ്ലി സ്വന്തമാക്കാന്‍ പോകുന്നത്.
309 ഏകദിനങ്ങളിലെ 300 ഇന്നിങ്‌സുകളില്‍ നിന്നാണ് വേഗത്തില്‍ 12,000 തികച്ച താരമായി സച്ചിന്‍ മാറിയത്. 250 ഏകദിന മത്സരങ്ങളില്‍ നിന്നായി ഇതുവരെ കോഹ്ലി നേടിയത് 11,977 റണ്‍സ്. 23 റണ്‍സ് കൂടി നേടിയാല്‍ ഇതിഹാസ താരത്തിന്റെ റെക്കോര്‍ഡ് കോഹ്ലിക്ക് മറികടക്കാം. ബുധനാഴ്ചത്തെ മത്സരത്തില്‍ 23 റണ്‍സ് നേടാനായാല്‍ സച്ചിനെക്കാള്‍ 58 മത്സരങ്ങള്‍ കുറച്ചുകളിച്ച കോഹ്ലിക്ക് തിളങ്ങുന്ന നേട്ടമാകും.
Summary: Virat Kohli needs 23 more runs to break Tendulkar’s record
