കൊല്ലം. ഭാര്യയെയും മകളെയും കഴുത്തറുത്ത് കൊലപ്പെടുത്തി ഗൃഹനാഥന് ആത്മഹത്യക്ക് ശ്രമിച്ചു. കൊല്ലം പരവൂരിലാണ് സംഭവം. 39കാരിയായ ഭാര്യ പ്രീത, പതിനാലുവയസുകാരി ശ്രീനന്ദ എന്നിവർ മരണപെട്ടു. കടബാധ്യതയാണ് കൃത്യത്തിന് കാരണമെന്നാണ് പ്രാഥമിക നിഗമനം. അച്ഛന് ശ്രീജു മക്കളെയും ഭാര്യയെയും വിഷം കൊടുത്ത ശേഷം കഴുത്തറുക്കുകയായിരുന്നു.
തിങ്കളാഴ്ച രാത്രിയിലായിരുന്നു കൊല നടന്നത്. ഗുരുതരമായി പരിക്കേറ്റ ശ്രീരാഗിനെ കൊട്ടിയത്തെ സ്വകാര്യ ആശുപത്രിയിലും അച്ഛന് ശ്രീജുവിനെ തിരുവനന്തപുരം മെഡിക്കല് കോളജിലും പ്രവേശിപ്പിച്ചിരിക്കുകയാണ്. രണ്ടുപേരുടെയും നില ഗുരുതരമാണ്. അമ്മ പ്രീത പൂതക്കുളം സര്വീസ് ബാങ്കിലെ കളക്ഷന് ഏജന്റായിരുന്നു. മകള് എട്ടാം ക്ലാസ് വിദ്യാര്ഥിനിയാണ്. മകന് ശ്രീരാഗ് പ്ലസ് ടു വിദ്യാര്ഥിയാണ്.
രാവിലെ അയല്വാസിയായ ബന്ധു വീടിന്റെ വാതില് തുറക്കാത്തത് ശ്രദ്ധയില്പ്പെട്ട് നോക്കിയപ്പോഴാണ് മുറിക്ക് പുറത്തേക്ക് ചോര ഒഴുകുന്നത് കണ്ടത്. തുടര്ന്ന് വാതില് പൊളിച്ച് ബന്ധുക്കള് അകത്ത് കടന്നു നോക്കുമ്പോൾ നാലുപേരെയും കണ്ടെത്തി. അച്ഛന്റെയും മകന്റെയും ശരീരത്തില് ജീവന്റെ തുടിപ്പ് ഉണ്ടായിരുന്നതിനാൽ ഉടന് സമീപത്തെ ആശുപത്രിയിലെത്തിച്ചു. അമ്മയും മകളും സംഭവസ്ഥലത്തുവച്ചു തന്നെ മരിച്ചു. സംഭവത്തില് പൊലീസ് അന്വേഷണം നടത്തി വരുന്നു.