സുരേഷ് ഗോപി നയിക്കുന്ന സഹകാരി സംരക്ഷണ പദയാത്ര കരുവന്നൂർ സഹകരണ ബാങ്കിൽ നിന്നും തൃശൂർ സർവ്വീസ് സഹകരണ ബാങ്കിലേയ്ക്ക് തിങ്കളാഴ്ച. കേരളത്തിൻ്റെ വിവിധ ജില്ലകളിൽ നിന്നും ഈ പദയാത്രയിൽ പങ്കെടുക്കാനെത്തുന്നവരുടെ സൗകര്യാർത്ഥം ഉച്ചകഴിഞ്ഞ് 2 മണിക്കാണ് പദയാത്ര ആരംഭിക്കുക. പദയാത്ര ബി ജെ പി സംസ്ഥാന അധ്യക്ഷൻ കെ സുരേന്ദ്രൻ ഉദ്ഘടനം ചെയ്യും. പദയാത്രയിൽ പങ്കെടുക്കില്ലെന്ന് സുരേന്ദ്രൻ നേരത്തെ അറിയിച്ചതായാണ് വിവരം. തൃശൂർ ജില്ലയിലെ ഇരിങ്ങാലക്കുടയ്ക്ക് അടുത്തുള്ള കരുവന്നൂർ മുതൽ തൃശൂർ വരെ 18 കിലോമീറ്റര്‍ നീളുന്ന പദയാത്ര ജനാധിപത്യ കേരളത്തിൻ്റെ തിലകക്കുറിയായി മാറി ചരിത്രം സൃഷ്ടിക്കുമെന്നതിന് സംശയമില്ല. കേരളത്തിലെ എല്ലാ സഹകരണ ബാങ്കുകളെ കുറിച്ചും അന്വേഷണം നടത്തി, സഹകരണ ബാങ്കുകൾ കേന്ദ്രീകരിച്ച് നടന്നിട്ടുള്ള കൊള്ള പൂര്‍ണമായും പുറത്തു വരണമെങ്കിൽ സിബിഐ അന്വേഷണം തന്നെ വേണ്ടി വരും. ഏകദേശം 5000 കോടി രൂപയുടെ കൊള്ളയെങ്കിലും സഹകരണ ബാങ്കുകളിൽ നടന്നതായാണ് സംശയിക്കുന്നത്.കേരളത്തിലെ സഹകരണ ബാങ്കുകൾ കൊള്ളയടിക്കുന്ന ഭരണസമിതികൾക്കെതിരെ ആയിരങ്ങൾ പങ്കെടുക്കുന്ന കേരള ചരിത്രത്തിലെ ഏറ്റവും വലിയ ജനമുന്നേറ്റമായിരിക്കും ഈ പദയാത്ര എന്നാണ് ബി ജെ പി അവകാശപ്പെടുന്നത്.
