കൊച്ചി: നടിയെ ആക്രമിച്ച കേസില് കൂടുതല് തെളിവുകള് പുറത്ത്. സാക്ഷിമൊഴികള് അട്ടിമറിച്ചതിന്റെ കൂടുതല് ശബ്ദരേഖകളാണ് പുറത്ത് വന്നിരിക്കുന്നത്. അഭിഭാഷകന് രാമന്പിള്ളയും ദിലീപിന്റെ സഹോദരന് അനൂപും തമ്മിലുള്ള സംഭാഷണമാണ് ഇപ്പോള് അന്വേഷണ സംഘം ഹൈക്കോടതിയില് സമര്പ്പിച്ചത്.
കേസിലെ പ്രതിയായ പള്സര് സുനി ദിലീപിന് അയച്ച കത്തിനെക്കുറിച്ച് എങ്ങനെ മൊഴി നല്കണമെന്നാണ് പ്രോസിക്യൂഷന് സാക്ഷിയായ അനൂപിനെ അഭിഭാഷകന് പഠിപ്പിക്കുന്നത്.സുനി ദീലീപിന് കത്തയിച്ചത് 2017 ഏപ്രിലിലായിരുന്നു. പണം ആവശ്യപ്പെട്ടുകൊണ്ടാണ് കത്തയച്ചത്.അനൂപും അഭിഭാഷകനും തമ്മിലുള്ള മറ്റൊരു സംഭാഷണം ഇന്നലെ പുറത്തുവന്നിരുന്നു. ദിലീപിന്റെ മുന്ഭാര്യക്കെതിരെ മൊഴി നല്കാന് മൊഴ്ി നല്കാന് അനൂപിനെ പരിശീലിപ്പിക്കുന്നതായിരുന്നുശബ്ദ രേഖ.
മഞ്ജു വാര്യര് മദ്യപിക്കാറുണ്ടെന്ന് മൊഴി നല്കണമൊണ് അഭിഭാഷകന് അനൂപിനോട് പറയുന്നത്. മഞ്ജു മദ്യപിക്കാറുണ്ടോയെന്ന അഭിഭാഷകന്റെ ചോദ്യത്തിന് തനിക്ക് അറിയില്ലെന്നും താന് കണ്ടിട്ടില്ലെന്നുമായിരുന്നു അനൂപ് മറുപടി. എന്നാല് മഞ്ജു മദ്യപിക്കുമെന്ന് കോടതിയില് മൊഴി നല്കണമെന്ന് അഭിഭാഷകന് അനൂപിനെ പറഞ്ഞു പഠിപ്പിക്കുന്നത് ശബ്ദരേഖയിലുണ്ട്. ദിലീപ് കഴിഞ്ഞ പത്തുവര്ഷമായി മദ്യപിക്കാറില്ലെന്ന് പറയണമെന്നും അഭിഭാഷകന് ആവശ്യപ്പെടുന്നു.