കണ്ണൂര്: കേരളത്തിലെ ജനജീവിത നിലവാരം യൂറോപ്യന് നിലവാരത്തിലെക്ക് ഉയര്നെന്ന് സി.പി.എം ജനറല് സെക്രട്ടറി സീതാറാം യെച്ചൂരി. അതുകൊണ്ട് തന്നെ കെ.റെയില് പോലുള്ള പദ്ധതികള് കേരളത്തിന് അത്യാവശ്യമാണ്. എല്.ഡി.എഫ് സര്ക്കാരിന്റെ വികസന പദ്ദ പദ്ധതികളാണ് കേരളത്തെ മികച്ച നിലയില് എത്തിച്ചത്. സി.പി.എം ബുള്ളറ്റ് ട്രെയിനിനെതിരേ നടത്തിയ സമരം മതിയായ നഷ്പരിഹാരം നല്കാതെ ഭൂമി ഏറ്റെടുക്കുന്നത് കൊണ്ടായിരുന്നു.എന്നാല് കേരളത്തിലെ സാഹചര്യം അങ്ങനെയല്ലെന്നും യെച്ചൂരി ചൂണ്ടിക്കാട്ടി. 23-ാം പാര്ട്ടി കോണ്ഗ്രസിന്റെ തീരുമാനങ്ങള് കണ്ണൂരില് നടത്തിയ വാര്ത്താ സമ്മേളനത്തില് വിശദീകരിക്കുകയായിരുന്നു യെച്ചൂരിയുടെ പ്രതികരണം.
ജനകീയ സമരങ്ങളെ അടിച്ചമര്ത്താനുളള ഹിന്ദുത്വ ശക്തികളുടെ ശ്രമം നടക്കുകയാണ്. ഇത്തരം ശക്തികള്ക്കെതിരേ ഇടത് ജനാധിപത്യ ബദല് സാധ്യമാക്കാനാണ് ശ്രമം. അതിനായി മതേതര സഖ്യങ്ങളുടെ പിന്തുണയുണ്ടാവണമെന്നും യെച്ചൂരി ആവശ്യപ്പെട്ടു. ഹിന്ദുത്വ അജണ്ട നടപ്പിലാക്കാന് സാധ്യമായ എല്ലാ വഴികളും ബിജെപി തേടുകയാണ്.ഹിജാബ് പോലുള്ള വിഷയങ്ങളാണ് ബിജെപിയുടെ പ്രധാന അജണ്ട.വിലക്കയറ്റവും ഇന്ധനവിലയും ജനജീവിതത്തെ ദുസ്സഹമാക്കിയിരിക്കുകയാണ്. പാര്ട്ടിയെ അടിത്തട്ട് മുതല് ശക്തിപ്പെടുത്തും. സി.പി.എമ്മിന്റെ സ്വതന്ത്ര ശക്തി വര്ധിപ്പിക്കുമെന്നും സീതാറാം യെച്ചൂരി അറിയിച്ചു.