നടിയെ ആക്രമിച്ച കേസിൽ അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസില് ഫോണ് കോള് റെക്കോര്ഡുകള് പരിശോധിക്കാന് അന്വേഷണ സംഘം.
ദിലീപടക്കം അഞ്ച് പ്രതികളുടെയും ഫോണ് വിളിയുടെ വിശദാംശങ്ങൾ അന്വേഷണ സംഘം പരിശോധിക്കും. ഒരാഴ്ചത്തെ ഫോണ് കോളുകളാണ് പരിശോധിക്കുന്നത്. സാക്ഷികള് ഉള്പ്പെടെ ഇവര് ആരെയൊക്കെ ബന്ധപ്പെട്ടു എന്നന്വേഷിക്കും.
അങ്ങനെ പരസ്പരം ഫോണ് വിളിച്ചു എന്ന് ബോധ്യപ്പെട്ടാല് അന്വേഷണ സംഘത്തിന് അത് കൂടുതല് തെളിവാകും. ദിലീപിന്റെ സഹോദരി ഭര്ത്താവ് സൂരജ്, ബന്ധു അപ്പു സുഹൃത്ത് ബൈജു എന്നിവരുടെ മൊബൈല് ഫോണുകള് ഇന്നലെ അന്വേഷണസംഘം കസ്റ്റഡിയിലെടത്തിരുന്നു. പതിമൂന്നാം തിയതി നടന്ന റെയ്ഡില് കസ്റ്റഡിയിലെടുത്ത ദിലീപിന്റെയും അനൂപിന്റെയും മൊബൈല് ഫോണുകള് അന്വേഷണസംഘം വിട്ടുനല്കിയില്ല. അതേസമയം അഞ്ച് ഫോണുകളും ഇന്ന് ശാസ്ത്രീയ പരിശോധനക്ക് വിധേയമാക്കും. നാളെയും പ്രതികളെ ചോദ്യം ചെയ്യാന് അന്വേഷണസംഘത്തിന് കോടതി അനുമതി നല്കിയിട്ടുണ്ട്.
കളമശ്ശേരിയിലെ ക്രൈംബ്രാഞ്ച് ഓഫീസില് വെച്ചാണ് ചോദ്യം ചെയ്യൽ നടക്കുന്നത്. ദിലീപ് അടക്കം 5 പേരെയാണ് ചോദ്യം ചെയ്യുന്നത്. ദിലീപിന്റെ സഹോദരന് അനൂപ്, സഹോദരി ഭര്ത്താവ് സൂരജ്, ബന്ധു അപ്പു, സുഹൃത്ത് ബൈജു എന്നിവരോടാണ് ക്രൈംബ്രാഞ്ചിന് മുന്നില് ചോദ്യംചെയ്യലിന് ഹാജരാകാന് ഹൈക്കോടതി ഉത്തരവിട്ടത്. രാവിലെ 9 മുതൽ രാത്രി എട്ട് വരെയാണ് ചോദ്യം ചെയ്യാൻ കോടതി അനുവദിനൽകിയത്.