പ്രതിഷേധിച്ച വനിതാ പ്രവര്ത്തകര്ക്കെതിരെ വളരെ മോശമായ രീതിയില് പെരുമാറിയ നടന് ജോജു ജോര്ജ്ജിനെതിരെ കെപിസിസി അധ്യക്ഷന് കെ സുധാകരന്. ജോജു ജോര്ജിന്റെ പ്രതിഷേധം മാന്യതയുടെ അതിര്വരമ്പുകള് ലംഘിച്ചു. ജോജു ജോര്ജ് കാണിച്ചുകൂട്ടിയ അക്രമങ്ങള് ഖേദകരമാണെന്നും സുധാകരന് പറയുന്നു. മഹിളാ കോണ്ഗ്രസ് പ്രവര്ത്തകരോട് തട്ടിക്കയറി. ജോജു ജോര്ജിനെതിരെ നടപടിയെടുക്കാന് പൊലീസ് തയ്യാറായില്ലെന്നും കെ സുധാകരന് പറഞ്ഞു. മുണ്ടും മാടിക്കെട്ടി തറഗുണ്ടയെ പോലെയാണ് ജോജു എത്തിയത്.
സമരം പെട്ടന്ന് തീരുമാനിച്ചതല്ല. പൊലീസ് ഇക്കാര്യത്തില് വേണ്ട വിധത്തില് ഇടപെടാന് തയാറായില്ല. ഇന്ധനവില വര്ധവിനെതിരായ സമരത്തോട് സാധാരണക്കാരെല്ലാം സഹകരിച്ചു. ജോജുവിനെതിരെ നടപടിയെടുത്തില്ലെങ്കില് കടുത്ത സമരം കേരളം നാളെ കാണേണ്ടിവരുമെന്നും സുധാകരന് പറയുന്നു.
വാഹനം തകര്ത്തത് ജനരോക്ഷത്തിന്റെ ഭാഗമാണെന്നും സാഹചര്യമുണ്ടാക്കിയത് ജോജു ജോര്ജ് തന്നെയാണെന്ന് പറഞ്ഞ അദ്ദേഹം ജോജുവിനെതിരെ വനിതാ പ്രവര്ത്തകര് ഉള്പ്പെടെ പരാതി നല്കുമെന്നും അറിയിച്ചു.