സംസ്ഥാനത്ത് മഴ അതിശക്തമാകുമെന്ന് മുന്നറിയിപ്പ്്. സംസ്ഥാനത്തെ 8 ജില്ലകളില് ഇന്ന് ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. ഇതേതുടര്ന്ന് കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, കോഴിക്കോട്, കണ്ണൂര് ജില്ലകളില് യെല്ലോ അലര്ട്ട് പ്രഖ്യാപിച്ചു.
തീരമേഖലകളില് രാത്രി 11.30 വരെ ഉയര്ന്ന തിരമാലയ്ക്കും കടലാക്രമനത്തിനും സാധ്യതയുണ്ട്. അതേ സമയം മല്സ്യബന്ധനത്തിനും കടലില് പോകുന്നതിനും വിലക്കില്ല.
മുന് വര്ഷങ്ങളിലെ പോലെ ഓഗസ്റ്റ് മാസം ആരംഭിച്ച മുതല് സംസ്ഥാനത്ത് കനത്ത മഴയാണ് ഇടുക്കി ജില്ലയിലെ മിക്ക ഡാമുകളും നിറഞ്ഞു കവിഞ്ഞ അവസ്ഥയിലാണ് കല്ലാര്കുടി ഡാമിന്റെ ഷട്ടറുകള് ഇന്നലെ തുറന്നിട്ടുണ്ടായിരുന്നു. വടക്കന് മലബാറിലാണ് മഴ കൂടുതല് ശക്തമായി തുടരുന്നത്.
കേരളത്തില് ഈ വര്ഷവും പ്രളയ സാധ്യത തള്ളിക്കളയാന് കഴിയില്ല.
ചൊവ്വാഴ്ച വരെ തെക്ക് പടിഞ്ഞാറന്, മധ്യ പടിഞ്ഞാറന്, വടക്കന് അറബിക്കടല് എന്നീ സമുദ്രഭാഗങ്ങളില് മണിക്കൂറില് 50 മുതല് 60 കി.മീ വരെയും ചില അവസരങ്ങളില് 70 കി.മീ വേഗതയില് വരെ വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ട്. കൂടാതെ ഇന്ന് വ്യാപകമായി ഒറ്റപ്പെട്ട ഇടങ്ങളില് മഴയുണ്ടാകുമെന്ന്ും കാലാവസ്ഥ നിരീക്ഷണ കേന്ദ്രം അറിയിച്ചു.
ശക്തമായ മഴ മുന്നറിയിപ്പുള്ള സാഹചര്യത്തില് അധികൃതരുടെ നിര്ദേശങ്ങള് അനുസരിച്ച് മാറിത്താമസിക്കേണ്ട ഇടങ്ങളില് അതിനോട് സഹകരിക്കേണ്ടതാണ്. അടച്ചുറപ്പില്ലാത്ത വീടുകളില് താമസിക്കുന്നവരും മേല്ക്കൂര ശക്തമല്ലാത്ത വീടുകളില് താമസിക്കുന്നവരും വരും ദിവസങ്ങളിലെ മുന്നറിയിപ്പുകളുടെ അടിസ്ഥാനത്തില് സുരക്ഷയെ മുന്കരുതി മാറി താമസിക്കാന് തയ്യാറാവേണ്ടതാണ്.
സ്വകാര്യ-പൊതു ഇടങ്ങളില് അപകടാവസ്ഥയില് നില്ക്കുന്ന മരങ്ങള്/പോസ്റ്റുകള്/ബോര്ഡുകള് തുടങ്ങിയവ സുരക്ഷിതമാക്കേണ്ടതും മരങ്ങള് കോതി ഒതുക്കുകയും ചെയ്യേണ്ടതാണ്. അപകടാവസ്ഥകള് അധികൃതരുടെ ശ്രദ്ധയില് പെടുത്തേണ്ടതാണ്. ദുരിതാശ്വാസ ക്യാമ്പുകളിലേക്ക് മാറേണ്ടുന്ന ഘട്ടങ്ങളില് പൂര്ണ്ണമായും കോവിഡ് മാനദണ്ഡങ്ങള് പാലിക്കാന് തയ്യാറാവണം.
ശക്തമായ മഴ പെയ്യുന്ന സാഹചര്യത്തില് ഒരു കാരണവശാലും നദികള് മുറിച്ചു കടക്കാനോ, നദികളിലോ മറ്റ് ജലാശയങ്ങളിലോ കുളിക്കാനോ മീന്പിടിക്കാനോ മറ്റ് ആവശ്യങ്ങള്ക്കോ ഇറങ്ങാന് പാടുള്ളതല്ല. ജലാശയങ്ങള്ക്ക് മുകളിലെ മേല്പ്പാലങ്ങളില് കയറി കാഴ്ച കാണുകയോ സെല്ഫിയെടുക്കുകയോ കൂട്ടം കൂടി നില്ക്കുകയോ ചെയ്യാന് പാടുള്ളതല്ല.