പ്രമുഖ വ്യവസായി എംഎ യൂസഫലി ഒരു ചാനല് അഭിമുഖത്തിന് നല്കിയ ചോദ്യങ്ങളും സന്ദേശങ്ങളുമാണ് ഇപ്പോള് സോഷ്യല് മീഡിയയില് വൈറലാകുന്നത്. ഈ ചര്ച്ച ഏതു വര്ഷത്തില് ഏത് വിഷയത്തിലാണെന്ന് ഉറപ്പില്ല. ഇപ്പോള് വിവാദമായിക്കൊണ്ടിരിക്കുന്ന കിറ്റെക്സ് വിഷയത്തിലാണോ ഈ പ്രതികരണമെന്ന് സംശയവുമുണ്ട്.
വളരെ പ്രസക്തമായ ചോദ്യങ്ങളാണ് പ്രമുഖ വ്യവസായി എംഎ യൂസഫലി ഉന്നയിക്കുന്നത്. ഗള്ഫ് രാജ്യത്ത് ഏറ്റവും കൂടുതല് മലയാളികളാണ് ഉള്ളതെന്ന് പറഞ്ഞാല് നിഷേധിക്കാന് പറ്റില്ലെന്നും മുഖ്യമന്ത്രി പിണറായി വിജയനുമായി ഒരിക്കല് ദുബായ് ഭരണാധികാരിയെ കാണുകയുണ്ടായി എന്നും യൂസഫലി പറയുന്നുണ്ട്. അന്ന് ഷെയ്ക്ക് മുഹമ്മദ് ബിന് റഷീദ് അല് മക്തൂം പറഞ്ഞത് ഞാന് കേരളത്തെ ഒരുപാട് ഇഷ്ടപ്പെടുന്നുവെന്നാണ്. ഒരുപാട് മലയാളികള് എനിക്കൊപ്പം ജോലി ചെയ്യുന്നുണ്ടെന്നും എല്ലാവരും ആത്മാര്ത്ഥതയുള്ളവരാണെന്നും പറയുകയുണ്ടായി. പക്ഷെ പിണറായിയോട് ഒരു ചോദ്യം ചോദിക്കാന് ഞാന് ആഗ്രഹിക്കുന്നു, എന്തുകൊണ്ടാണ് 80 ശതമാനം മലയാളികള് ഗള്ഫിലേക്ക് വരുന്നതെന്നാണ് അദ്ദേഹം ചോദിച്ചത്.
ഇതുതന്നെയാണ് ഞാന് 25 വര്ഷമായി പറയുന്നതെന്നും യൂസഫലി പറയുന്നു. കേരളത്തിന്റെ അവസ്ഥ പരിതാപകരമാണെന്നും ഈ സ്ഥിതി മാറിയേ മതിയാകൂവെന്നും യൂസഫലി പറയുന്നുണ്ട്. കേരളത്തില് ഭാവി തലമുറയ്ക്ക് ജോലി നല്കാനുള്ള സന്ദര്ഭങ്ങളും സാഹചര്യങ്ങളും ഉണ്ടാകണം. ഇല്ലെങ്കില് ഇത്തരം സന്ദര്ഭങ്ങള് വരുമ്പോള് ദുഃഖിക്കേണ്ടത് കേരളത്തില് നിന്നുള്ളവരാണെന്നും അദ്ദേഹം പറയുന്നുണ്ട്.
കേരളം വ്യവസായപരമായി വികസിച്ചിട്ടില്ല, വിദ്യാഭ്യാസ പരമായി വികസിച്ചിട്ടില്ലെന്നും, കേരളം ഒരു പ്രൊഡക്ടീവ് സംസ്ഥാനമായി മാറണമെന്നും യൂസഫലി പറയുന്നുണ്ട്. എന്തെങ്കിലും ഒരു വ്യവസായ സംരഭം കൊണ്ടുവന്നാല് അതിനെ തല്ലി മാറ്റുന്ന അവസ്ഥയാണ് നിലവിലുള്ളതെന്നും അദ്ദേഹം കുറ്റപ്പെടുത്തുന്നുണ്ട്. കേരളത്തില് നിന്ന് അവരെ ഓടിക്കുകയാണ് ചെയ്യുന്നതെന്നും അദ്ദേഹം പറയുന്നു. ഇതൊക്കെ കേരള മുഖ്യമന്ത്രിയോടു തന്നെയാണ് ചോദിക്കുന്നത്. ഈ ചോദ്യത്തിന് പിണറായിക്ക് മറുപടിയുണ്ടോയെന്നാണ് ക്രൈമിനു ചോദിക്കാനുള്ളത്.