പ്രധാനമന്ത്രി നരേന്ദ്ര മോദി ഇ.ഡിയെ ഉപയോഗിക്കുന്നത് പോലെയാണ് പിണറായി വിജയൻ വിജിലന്‍സിനെ ഉപയോഗിക്കുന്നതെന്ന് മാത്യു കുഴല്‍നാടന്‍ എംഎൽഎ. തങ്ങൾക്കെതിരെ വിമർശനം ഉന്നയിക്കുന്നവരെ അന്വേഷണ ഏജന്‍സികളെ ഉപയോഗിച്ച് നേരിടുകയാണ് മുഖ്യമന്ത്രി ചെയ്യുന്നത്. തന്നെ എല്ലാ വകുപ്പുകളും ഉപയോഗിച്ച് വേട്ടയാടുകയാണ് – കുഴൽനാടൻ ആരോപിച്ചു.
ഇടുക്കി ചിന്നക്കനാലിലെ ഭൂമി ഇടപാട് സംബന്ധിച്ച് വിജിലന്‍സിനോട് പറയേണ്ട കാര്യങ്ങള്‍ പൂർണ്ണമായും വ്യക്തമാക്കിയതായി മാത്യു കുഴല്‍നാടന്‍ എംഎൽഎ പറഞ്ഞു. ഭൂമി ഇടപാടില്‍ കൈയ്യേറ്റം ചൂണ്ടിക്കാട്ടിക്കൊണ്ട് തനിക്കെതിരായി വിജിലന്‍സ് എഫ്‌ഐആര്‍ ഇട്ടിട്ടുണ്ടെന്ന് അറിഞ്ഞു. എന്നാല്‍, എഫ്‌ഐആര്‍ കണ്ടിട്ടില്ല – മാത്യു പ്രതികരിച്ചു.
