കൊച്ചി കോർപ്പറേഷൻ ഉറക്കത്തിലാണ്. അതങ്ങനെയാണ് ഉറങ്ങുന്നവരെയെ ഉണർത്താൻ ആവൂ ഉറക്കം നടിക്കുന്നവരെ ഉണർത്താൻ ആവില്ല.എണ്ണിയെണ്ണി പറയാൻ ഒരുപാടുണ്ട് ചിലതുമാത്രം സൂചിപ്പിക്കട്ടെ. കാനയിൽ കുട്ടി വീണു ഒരാഴ്ചത്തേക്ക് ജഗപൊകയായിരുന്നു. കാന ക്ലീൻ ചെയ്യുന്നു. അതിന് മൂടികൾ പിടിപ്പിക്കുന്നു എല്ലാം വേഗം ശരിയാക്കും എന്ന് ജനങ്ങൾക്ക് ആവർത്തിച്ചാവർത്തിച്ച് ഉറപ്പുനൽകുന്നു. വെള്ളക്കെട്ട് ഉണ്ടായപ്പോഴും ഇതു തന്നെ അവസ്ഥ. അതിനുശേഷം കുഴിയിൽ വീണ് യാത്രക്കാരൻ മരിച്ചപ്പോൾ കുഴിയടക്കലും ബഹളവും ഒരു വശത്ത്. ഇപ്പോൾ ഇതാ കേബിൾ യാത്രക്കാരുടെ മരണത്തിനു പോലും ഹേതുവാകുന്നു പ്രഹസനങ്ങൾ തുടർന്നുകൊണ്ടേയിരിക്കും. കാണാൻ നമ്മൾ ഉണ്ടല്ലോ. അനുഭവിക്കാനും വഴിയരികില്‍ അപകടക്കെണിയായി കേബിള്‍ വയറുകള്‍ തൂങ്ങിയാടുമ്ബോഴും യാതൊരു ഇടപെടലുകളും നടത്താതെ കൊച്ചി കോര്‍പറേഷന്‍ ഉറക്കത്തിലാണ് . മാസങ്ങള്‍ക്ക് മുമ്ബ് യുവാവിന്റെ മരണത്തിനിടയാക്കിയ അപകടം ഉണ്ടായപ്പോള്‍ ഹൈക്കോടതി ശാസിച്ചപ്പോഴാണ് കോര്‍പറേഷന്‍ ഉണര്‍ന്നത്. എന്നാല്‍ വീണ്ടും മെല്ലെപ്പോക്ക് നയം സ്വീകരിച്ചതോടെ കേബിള്‍ കുരുങ്ങിയുളള അപകടങ്ങൾ ആവര്‍ത്തിക്കുകയാണ്.
മാസങ്ങള്‍ക്ക് മുമ്ബാണ് ബൈക്ക് യാത്രികനായിരുന്ന കാക്കനാട് സ്വദേശി അലന്‍ കേബിള്‍ കുടുങ്ങിയുണ്ടായ അപകടത്തില്‍ മരിച്ചത്. ഹൈക്കോടതിയും മനുഷ്യാവകാശ കമ്മീഷനും വിഷയത്തില്‍ സ്വമേധയാ ഇടപെട്ടു. രൂക്ഷ വിമര്‍ശനമാണ് അന്ന് ഉയര്‍ന്നത്. അപകടക്കെണികളായ കേബിളുകള്‍ അറുത്തുമാറ്റാനും കയറ്റിക്കെട്ടാനും വിവിധ വകുപ്പുകള്‍ ഉത്സാഹിച്ചു. എന്നാല്‍ മാസങ്ങള്‍ പിന്നിട്ടതോടെ എല്ലാം കെട്ടടങ്ങി. വീണ്ടും കേബിളുകൾ പഴയ പടിയായി .അപകടങ്ങളും ഒന്നിന് പിറകെ ഒന്നായി റിപ്പോര്‍ട്ട് ചെയ്യപ്പെട്ടു. ഇതേക്കുറിച്ച്‌ ചോദിച്ചാല്‍ പല തടസ്സവാദങ്ങളാണ് പതിവ് പോലെ കോര്‍പറേഷന്‍ അധികൃതര്‍ നല്‍കുന്നത്.ലായം റോഡില്‍ ഇക്കഴിഞ്ഞ ദിവസമുണ്ടായ കേബിള്‍ അപകടത്തില്‍ ദമ്ബതികള്‍ തലനാരിഴയ്ക്കാണ് രക്ഷപ്പെട്ടത്. പൊതുസ്ഥലങ്ങളില്‍ കേബിളുകള്‍ സ്ഥാപിക്കുന്നതിന് മുമ്ബ് തദ്ദേശ സ്ഥാപനങ്ങളുടെയും പൊതുമരാമത്ത് വകുപ്പിന്റെയും പൊലീസിന്റെയും മുന്‍കൂര്‍ അനുമതി വാങ്ങണമെന്ന് നേരത്തെ മനുഷ്യാവകാശ കമ്മീഷന്‍ ഉത്തരവിട്ടിരുന്നു. ഈ ഉത്തരവ് എത്രമാത്രം പാലിക്കപ്പെട്ടിട്ടുണ്ട് എന്നകാര്യം വ്യക്തമാക്കണമെന്ന് കാണിച്ച്‌ ഇപ്പോൾ മനുഷ്യാവകാശ കമ്മീഷന്‍ സര്‍ക്കാരിന് നോട്ടീസ് അയച്ചിരിക്കുകയാണ്.
