കൊവിഡ് വ്യാപനം കണക്കിലെടുത്ത് പുതിയ ജാഗ്രത മാര്ഗനിര്ദേശം കേന്ദ്രം ഉടന് പുറത്തിറക്കും.
ആള്ക്കൂട്ട നിയന്ത്രണവും . മാസ്ക് നിര്ബന്ധമാക്കാനും സാധ്യതയുണ്ട്. രാജ്യാന്തര വിമാന യാത്രക്കാര്ക്കായി പുതുക്കിയ മാര്ഗരേഖ ശനിയാഴ്ച മുതല് പ്രാബല്യത്തില് വരും. ക്രിസ്മസ് പുതുവത്സരാഘോഷങ്ങള് കണക്കിലെടുത്ത് ആള്ക്കൂട്ട നിയന്ത്രണങ്ങളും, മാസ്ക് നിര്ബന്ധമാക്കലും ആവും കേന്ദ്രം പുറപ്പെടുവിക്കാന് ഒരുങ്ങുന്ന മാര്ഗനിര്ദേശം.
ഒരാഴ്ച സാഹചര്യം നിരീക്ഷിച്ചാകും തുടര്നടപടി. കരുതല് വാക്സിനേഷന് വേഗത്തില് ആക്കാനും നടപടിയെടുക്കും. വിമാനത്താവളങ്ങളില് നാളെ മുതല് കൊവിഡ് പരിശോധനയും നിരീക്ഷണവും ശക്തമാക്കും. രാജ്യത്തേക്ക് എത്തുന്ന വിമാനങ്ങളിലെ 2% യാത്രക്കാരെ കൊവിഡ് പരിശോധനക്ക് വിധേയമാക്കണം. റാന്ഡം പരിശോധക്ക് വിധേയമാക്കേണ്ടവരെ വിമാന കമ്ബനി കണ്ടെത്തും.
12 വയസിന് താഴെയുള്ള കുട്ടികളെ ഒഴിവാക്കിയിട്ടുണ്ട്. സാമ്ബിള് നല്കിയാല് യാത്രക്കാര്ക്ക് വിമാനത്താവളത്തില് നിന്ന് പുറത്തേക്ക് പോകാം. രോഗം സ്ഥിരീകരിച്ചാല് സാമ്ബിള് ജനിതക ശ്രേണീകരണത്തിന് അയക്കണമെന്നും ആരോഗ്യ മന്ത്രാലയം നിര്ദേശിച്ചു. കോവാക്സിനും, കോവോവാക്സിനും കരുതല് ഡോസായി നല്കാന് ഭാരത് ബയോട്ടെക്കും, സിറം ഇന്സ്റ്റിറ്റ്യൂട്ടും ഡിസിജിഐക്ക് നല്കിയ അപേക്ഷയില് ഉടന് തീരുമാനമാകും.