നടി ആക്രമിക്കപ്പെട്ട സംഭവത്തില് ഇരയ്ക്ക് പിന്തുണ നല്കി മുന്നോട്ടുവന്ന സൂപ്പര്സ്റ്റാറുകള്ക്കെതിരെ നടി പാര്വ്വതി തിരുവോത്ത്. ഈ പിന്തുണച്ചവരുടെ പ്രൊഡക്ഷന് കമ്പനികള് നിയമം പാലിക്കുന്നുണ്ടോയെന്ന് ഉറപ്പുവരുത്തണമെന്ന് താരം പറയുന്നു. ഈ പറയുന്നവര് സാമൂഹമാധ്യമങ്ങളിലൂടെ പിന്തുണയറിയിച്ചാല് പോരെന്നും ആരുടെയൊക്കെ കമ്പനികളില് കംപ്ലെയിന്റ് സെല് ഉണ്ടെന്ന് മാധ്യമങ്ങള് ഉറപ്പുവരുത്തണമെന്നും പാര്വതി പറയുന്നു. പാര്വ്വതി തിരുവോത്ത് പറഞ്ഞതിങ്ങനെ..അതിജീവിച്ച നടിയെ പിന്തുണച്ച് പലരും സോഷ്യല് മീഡിയയില് എത്തിയിട്ടുണ്ട്. അവരുടെയൊക്കെ പ്രൊഡക്ഷന് ഹൗസില് ഇന്റേണല് കംപ്ലെയ്ന്റ് കമ്മിറ്റി ഉണ്ടോ എന്നുള്ളത് മീഡിയയും വനിതാ കമ്മീഷനും കണ്ടുപിടിക്കണം. എല്ലാവരും പിന്തുണയ്ക്കുന്നു എന്ന ഹെഡ്ലൈന് മാത്രം വന്നിട്ടുപോയാല് പോരാ. നിയമപരമായിട്ട് കംപ്ലെയിന്റ് സെല് പ്രൊഡക്ഷന് കമ്പനികളിലുണ്ടോ എന്ന് പരിശോധിച്ചാല് ഒരു ശതമാനം പോലും ഇല്ല എന്നു കണ്ടുപിടിക്കാനാകുമെന്നും പാര്വതി വെല്ലുവിളിക്കുന്നു.
അതേസമയം, അമ്മ സംഘടന ആക്രമിക്കപ്പെട്ട ഇരയ്ക്കൊപ്പമാണെന്ന് പറയുന്നത് വെറുതെയാണെന്ന് സംഘടനയുടെ മെമ്പറുകൂടിയായ നടി പത്മപ്രിയ. നടിയെ ആക്രമിച്ച കേസിന്റെ പേരില് പുറത്തുപോയ നടിമാരെ ഉപാധികളില്ലാതെ തിരിച്ചെടുത്താലേ പറയുന്നതില് കാര്യമുള്ളൂ. പുറത്തുപോയവര് പുതിയ അംഗത്വ അപേക്ഷ നല്കണമെന്നാണ് അമ്മയുടെ നിലപാടെന്നും ഇവര് ഏത് ഇരയ്ക്കൊപ്പം നില്ക്കുന്നുവെന്നാണ് പറയുന്നതെന്ന് മനസ്സിലാകുന്നില്ലെന്നും പത്മപ്രിയ പറയുകയുണ്ടായി. കോഴിക്കോട് ഗസ്റ്റ് ഹൗസിലാണ് കൂടിക്കാഴ്ച നടത്തിയത്.