ചൈനയിലെ സെൻട്രൽ ഹുബെയ് പ്രവിശ്യയിലെ എഷൗ നഗരത്തിൽ പാലം തകർന്നു. എക്സ്പ്രസ് വേയ്ക്ക് മുകളിലൂടെയുള്ള പാലത്തിന്റെ ഒരു ഭാഗം ആണ് തകർന്നത്. ശനിയാഴ്ച പുലർച്ചെ 3.36 ഓടെയായിരുന്നു അപകടം നടന്നത്. അപകടത്തിൽ നാല് പേർ മരിക്കുകയും എട്ട് പേർക്ക് പരിക്കേൽക്കുകയും ചെയ്തതായി ഔദ്യോഗിക വാർത്താ ഏജൻസി റിപ്പോർട്ട് ചെയ്തു. മേൽപ്പാലത്തിന് താഴെ ഉണ്ടായിരുന്ന ഒരു കാർ പൂർണമായും തകർന്നു. അമിതഭാരം കയറ്റിയ ട്രക്കാണ് അപകടത്തിൽപ്പെട്ടതെന്നാണ് പ്രാഥമിക അന്വേഷണത്തിൽ കണ്ടെത്തിയത്. പാലം തകർന്നത് മൂന്ന് ട്രക്കുകൾ വീഴാൻ കാരണമായി. എക്സ്പ്രസ് വേയുടെ ടു-വേ ഗതാഗതം അടച്ചതായാണ് റിപ്പോർട്ട്. അപകടം നടക്കുമ്പോൾ അജ്ഞാതരായ ആളുകൾ പാലത്തിൽ ജോലി ചെയ്യുന്നുണ്ടായിരുന്നു. 198 ടൺ ഭാരമുള്ള ഓവർലോഡ് ട്രക്ക് താഴെ വീണപ്പോൾ രണ്ട് കഷ്ണങ്ങളായി തകരുകയും അതിനൊപ്പം മറ്റ് രണ്ട് വാഹനങ്ങൾ താഴെയിറക്കുകയും ചെയ്തതായി പ്രാഥമിക അന്വേഷണത്തിൽ തെളിഞ്ഞതായി ഔധ്യോയോഗിക വാർത്ത ഏജൻസി റിപ്പോർട്ട് ചെയ്തു. അപകട കാരണം സംബന്ധിച്ച് അന്വേഷണം തുടരുകയാണ്.
