ഉമ്മന്ചാണ്ടിയുടെ രാജിക്കുവരെ കാരണമായ സോളാര് കേസ് വീണ്ടും ചര്ച്ചാ വിഷയമാകുന്നു. എഐസിസി ജനറല് സെക്രട്ടറി കെസി വേണുഗോപാലിനെ അടപടലം പൂട്ടാനാണ് സരിത ചേച്ചിയുടെ ഇപ്പോഴത്തെ പോരാട്ടം. ഉമ്മന്ചാണ്ടിയെ വിട്ട് സോളാര് കേസ് പരാതിക്കാരി ഇപ്പോള് പിടിച്ചിരിക്കുന്ന കെസി വേണുഗോപാലിനെയാണ്. വേണുഗോപാലിനെതിരെയുള്ള ഡിജിറ്റല് തെളിവുകള് സരിത എസ് നായര് സിബിഐക്ക് കൈമാറി. കെ.സി. വേണുഗോപാല് കേന്ദ്രമന്ത്രിയായിരിക്കെ 2012 മേയ് മാസം മന്ത്രിയുടെ ഔദ്യോഗിക വസതിയായ റോസ് ഹൗസിലെ ദൃശ്യങ്ങളാണ് പരാതിക്കാരി സിബിഐയ്ക്ക് കൈമാറിയത്. നേരത്തെ തന്നെ പരാതിക്കാരി തന്റെ പക്കല് ഡിജിറ്റല് തെളിവുകളുണ്ട് എന്ന് വ്യക്തമാക്കിയിരുന്നു.
എന്നാല് ക്രൈംബ്രാഞ്ചിന്റെ അന്വേഷണത്തില് വിശ്വാസമില്ലെന്ന് വ്യക്തമാക്കിക്കൊണ്ട് അന്ന് പരാതിക്കാരി തെളിവുകള് നല്കിയിരുന്നില്ല. കേസ് സിബിഐയ്ക്ക് കൈമാറിയതിന് പിന്നാലെയാണ് ഡിജിറ്റല് തെളിവുകള് കൈമാറിയിരിക്കുന്നത്.കഴിഞ്ഞ മൂന്ന് ദിവസമായി നടക്കുന്ന മൊഴിയെടുപ്പ് പൂര്ത്തിയായതിന് പിന്നാലെയാണ് പരാതിക്കാരി സിബിഐയ്ക്ക് ഡിജിറ്റല് തെളിവുകള് നല്കിയിരിക്കുന്നത്. തൃശ്ശൂരിലെ സ്വകാര്യ ആശുപത്രിയില് ചികിത്സ തേടിയതിന്റെ തെളിവുകളും പരാതിക്കാരി സിബിഐയ്ക്ക് കൈമാറിയിട്ടുണ്ട്.
കെസി വേണുഗോപാലിന് പുറമെ എപി അബ്ദുള്ളക്കുട്ടി, ഉമ്മന്ചാണ്ടി, എംപിമാരായ അടൂര് പ്രകാശ്, ഹൈബി ഈഡന്, എപി അനില്കുമാര് എന്നിവരെ പ്രതിചേര്ത്താണ് കേസ്. സംസ്ഥാന സര്ക്കാരിന്റെ ആവശ്യപ്രകാരമാണ് സിബിഐ കേസിന്റെ അന്വേഷണം ഏറ്റെടുത്തത്. തന്റെ പക്കല് ഡിജിറ്റല് തെളിവുകളുണ്ടെന്ന് പരാതിക്കാരി നേരത്തെ തന്നെ വ്യക്തമാക്കിയിരുന്നു.
കഴിഞ്ഞ ദിവസം ഏഴര മണിക്കൂര് നീണ്ട മൊഴിയെടുപ്പില് നിര്ണ്ണായക തെഴിവുകളാണ് അന്വേഷണ സംഘത്തിന് കൈമാറിയത്. ടെലിഫോണ് സംഭാഷണങ്ങളും പരാതിക്കാരി നല്കിയിട്ടുണ്ട്.
കേസ് അന്വേഷണത്തിന്റെ സംഘത്തലവനായ ഡിവൈഎസ്പി രണ്ധീര് സിങ്ങ് ഷഖാവത്തിനാണ് പരാതിക്കാരി രേഖകള് നല്കിയിരിക്കുന്നത്. ഇവര് കൈമാറിയ രേഖകള് അന്വേഷണസംഘം ഉടന് ഫോറന്സിക് പരിശോധനയ്ക്ക് വിധേയമാക്കും. ഇതിനുശേഷമാകും അറസ്റ്റ് ഉള്പ്പടെ തുടര് നടപടികളിലേക്ക് കടക്കുക. കെസി വേണുഗോപാല് തന്നെ ക്രൂരമായി ബലാല്സംഗം ചെയ്തുവെന്നാണ് സോളാര് കേസിലെ പരാതിക്കാരിയുടെ ആരോപണം.
പീഡനത്തെതുടര്ന്ന് ആശുപത്രിയില് ചികിത്സ തേടേണ്ടി വന്നതായും ഇവരുടെ മൊഴിയിലുണ്ട്. തനിക്കു ഒരാഴ്ച എഴുന്നേറ്റു നടക്കാന് പോലും സാധിച്ചില്ലെന്നും ഇവര് പറഞ്ഞിട്ടുണ്ട്. ഇതിന്റെ രേഖകളും പരാതിക്കാരി സിബിഐയ്ക്ക് കൈമാറിയിട്ടുണ്ട്. എഐസിസി ജനറല് സെക്രട്ടറി കെ സി വേണുഗോപാലിന് എതിരായ പരാതി പിന്വലിക്കാന് സമ്മര്ദമുണ്ടായെന്നും അവര് നേരത്തെ മാധ്യമങ്ങളോട് പ്രതികരിച്ചിരുന്നു.