ഡോളര് കടത്തിയത് മുഖ്യമന്ത്രി പിണറായിക്ക് വേണ്ടിയാണെന്നുള്ള പ്രതി സ്വപ്ന സുരേഷിന്റെയും സരിത്തിന്റെയും മൊഴിയില് പ്രതികരിച്ച് കെപിസിസി അധ്യക്ഷന് കെ സുധാകരന്. മുഖ്യമന്ത്രി കളങ്കിതനാണെന്നും സ്വപ്നയെ വഴിവിട്ട് സഹായിച്ചെന്നും കെ സുധാകരന് പറയുന്നു. സ്വര്ണ്ണക്കടത്ത് കേസില് സ്വപ്നയുടെ മൊഴി ഗൗരവതരമെന്നും അദ്ദേഹം പറയുന്നു. മുഖ്യമന്ത്രി രാജിവെക്കാന് തയ്യാറുണ്ടോയെന്നും സുധാകരന് ചോദിക്കുന്നു.
കേസ് അന്വേഷണം നിലച്ചാല് പൊതുതാല്പര്യ ഹര്ജി നല്കുമെന്നും അദ്ദേഹം പറയുന്നു. കളങ്കിതനാണ് താങ്കളെന്ന് താങ്കളുടെ സന്തത സഹചാരിയുടെ മൊഴിയില് വ്യക്തമാണെന്നാണ് സുധാകരന് വിമര്ശിച്ചത്. നീതിപീഠത്തിന് മുന്നില് സ്വകാര്യമായി കൊടുത്ത മൊഴിയാണിത്. അല്ലാതെ ആരും സമ്മര്ദ്ദം ചെലുത്തി പറയിപ്പിച്ചതല്ല. അതില് വളരെ വ്യക്തമായി സമയവും സാഹചര്യവും അവര് വ്യക്തമാക്കിയിട്ടുണ്ട്. ഇന്ത്യാ മഹാരാജ്യത്ത് ഡോളര് കടത്ത് കേസില് പ്രതിയാകുന്ന ആദ്യത്തെ മുഖ്യമന്ത്രിയാണ് പിണറായി വിജയനെന്നും സുധാകരന് തുറന്നടിച്ചു.
ഇനിയും ഈ കസേരയില് ഇരിക്കാന് മുഖ്യമന്ത്രി യോഗ്യനല്ല. ഒരു സംസ്ഥാനത്തെ മുഖ്യമന്ത്രിക്കും ഇത്രയും ആരോപണങ്ങളും കേസുകളും ഉണ്ടായി കാണില്ല. ഒരുപാട് അന്വേഷണം നടന്നിട്ടുണ്ടെങ്കിലും അതിന്റെയൊന്നും ശബ്ദം ഇപ്പോള് കേള്ക്കാനില്ല. എന്തു പറ്റി കേസുകള്ക്ക് എന്ന് അറിയില്ല. ഈ കേസ് അന്വേഷണം നിലച്ചാല് അടുത്ത നടപടിയിലേക്ക് പ്രതിപക്ഷം കടക്കുമെന്നും അദ്ദേഹം പറയുന്നു.
You must be logged in to post a comment Login