അമേരികയില് കോവിഡ് ബാധിച്ച് ആശുപത്രിയില് പ്രവേശിപ്പിക്കുന്നവരുടെ എണ്ണം ആറ് മാസത്തെ ഏറ്റവും ഉയര്ന്ന നിരക്കില്. രാജ്യത്ത് കഴിഞ്ഞ മൂന്ന് ദിവസങ്ങളിലായി ലക്ഷത്തിനടുത്ത് കേസുകളാണ് പ്രതിദിനം റിപോര്ട് ചെയ്യപ്പെടുന്നത്. ലൂസിയാന, ഫ്ലോറിഡ, അര്കാന്സസ് എന്നിവിടങ്ങളിലാണ് രോഗബാധ രൂക്ഷമായത്. ഡെല്റ്റ വകദേദം പടര്ന്ന് പിടിക്കുന്നതും വാക്സിനേഷന് കുറഞ്ഞതുമാണ് ഇതിന് കാരണം.
ഫ്ലോറിഡയടക്കം സ്കൂളുകള് തുറന്നപ്പോള് വിദ്യാര്ഥികള്ക്ക് മാസ്ക് നിര്ബന്ധമാക്കണോയെന്ന കാര്യത്തില് ചര്ച്ചകള് നടക്കുകയാണ്. ഡെല്റ്റ വകഭേദം ആല്ഫ വകദേദത്തെ അപേക്ഷിച്ച് കുഞ്ഞുങ്ങളെ കൂടുതലായി ബാധിക്കുന്നതിനാല് മാസ്ക് നിര്ബന്ധമാക്കണമെന്നാണ് വാദം.
മഹാമാരി വീണ്ടും രാജ്യത്ത് പിടിമുറുക്കുന്ന ലക്ഷണങ്ങള് കണ്ടുതുടങ്ങിയതോടെ ചില പ്രധാന പരിപാടികള് റദ്ദാക്കി. ഈ മാസം നടക്കാനിരുന്ന ന്യൂയോര്ക് ഓടോ ഷോ അധികൃതര് റദ്ദാക്കി. ലൂസിയാനയില് വൈറസ് ബാധ രൂക്ഷമായതോടെ ദ ന്യൂ ഓര്ലിയന്സ് ജാസ് ഫെസ്റ്റ് തുടര്ച്ചയായി രണ്ടാംവര്ഷവും ഉപേക്ഷിച്ചു.
പുതിയ അണുബാധകള് വേഗത്തില് വ്യാപിക്കുന്നതിനാല് അത് ഒരുപക്ഷേ വൈറസിന്റെ മാരകമായ പരിവര്ത്തനത്തിന് കാരണമായേക്കാമെന്ന് ആരോഗ്യവിദഗ്ധര് മുന്നറിയിപ്പ് നല്കുന്നു.
കോവിഡ് വ്യാപനം രൂക്ഷമായതോടെ ആരോഗ്യമേഖലയിലെ അടിസ്ഥാന സൗകര്യങ്ങള് തികയാതെ കിതയ്ക്കുകയാണ് യുഎസ് നഗരമായ ഓസ്റ്റിന്. 2,40,00,000 ജനസംഖ്യയുളള ഓസ്റ്റിനില് ഇനി ശേഷിക്കുന്നത് വെറും ആറ് ഐ സി യു യുണിറ്റുകള് മാത്രമാണെന്നാണ് സംസ്ഥാന ആരോഗ്യ വകുപ്പിന്റെ ഡാറ്റ വ്യക്തമാക്കുന്നത്.313 വെന്റിലേറ്ററുകളും ശേഷിക്കുന്നുണ്ട്.
ഓസ്റ്റിനില് സ്ഥിതി ഗുരുതരമാണെന്ന് പബ്ലിക് ഹെല്ത്ത് മെഡിക്കല് ഡയറക്ടര് ഡെസ്മാര് വാക്സ് പറയുന്നു. ാരോഗ്യ മേഖല നേരിടുന്ന പ്രതിസന്ധികളെക്കുറിച്ച് ഓസ്റ്റിന് നിവാസികള്ക്ക് ഈ മെയില് മുഖാന്തരവും ഫോണിലൂടെയുമെല്ലാം അറിയിപ്പ് മല്കിയിരിക്കുകയാണ് അധികൃതര്.
അതിവ്യാപന ശേഷിയുള്ള ഡെല്റ്റ വകഭേദത്തിന്റെ സാന്നിദ്ധ്യം കണ്ടെത്തിയതോട നഗരത്തിലെ ആരോഗ്യ വകുപ്പ് റിസ്ക് ലെവല് ഉയര്ത്തിയിരുന്നു. ജനങ്ങളോട് എത്രയും വേഗം വാക്സിന് എടുക്കാനും അധികൃതര് നിര്ദേശിച്ചിരുന്നു.