എംഎല്‍എ ടി സിദ്ദിഖ് പുത്തുമല വിഷയത്തെ രാഷ്ട്രീയവല്‍ക്കരിച്ചുവെന്നുള്ള പരാമര്‍ശം കേട്ട് മിണ്ടാതിരിക്കാന്‍ പ്രതിപക്ഷ നേതാവ് വിഡി സതീശന് ആയില്ല. എതു സെന്റന്‍സിലാണ് ടി സിദ്ദിഖ് വിഷയത്തെ രാഷ്ട്രീയവല്‍ക്കരിച്ചതെന്ന് വിഡി സതീശന് ചോദിച്ചു. മന്ത്രിയുടേത് മൈതാന പ്രസംഗമെന്നേ പറയാന്‍ കഴിയുകയുള്ളൂ. ചെയ്ത പ്രവൃത്തികള്‍ സര്‍ക്കാര്‍ പാതിവഴിയില്‍ നിര്‍ത്തിയെന്നും സതീശന് ആരോപിച്ചു. റീ ബില്‍ഡ് കേരളയില്‍ പ്രഖ്യാപിച്ച 7405 കോടിയില്‍ 460 കോടിയുടെ പദ്ധതി മാത്രമാണ് മൂന്ന് വര്‍ഷത്തില്‍ നടപ്പാക്കിയത്.ലോക ബാങ്കിന്റെ ആദ്യ ഗഡു പോലും ചെലവാക്കിയില്ല. പ്രളയ ദുരിതാശ്വാസത്തിനു കിട്ടിയ പണം വക മാറ്റി. രണ്ട് കൊല്ലമായിട്ടും രേഖകള്‍ ശരിയാക്കാന്‍ കഴിയില്ലെങ്കില്‍ എന്തിനാണ് റവന്യൂ വകുപ്പെന്നും സതീശന് പറയുകയുണ്ടായി.
വാഗ്ദാനങ്ങളുടെ പെരുമഴ ആയിരുന്നു രണ്ട് വര്‍ഷത്തെ പ്രളയകാലത്ത് നടന്നത്. സര്‍ക്കാര്‍ ഒന്നും ചെയ്തില്ലാന്ന് ഞങ്ങള്‍ പറഞ്ഞിട്ടില്ല. പക്ഷെ, ചെയ്തുവന്നിരുന്ന സര്‍ക്കാര്‍ പദ്ധതി പാതിവഴിയില്‍ ഉപേക്ഷിക്കുകയാണുണ്ടായത്. അപകടാവസ്ഥയിലുള്ള ഒരു സ്ഥലത്തുനിന്ന് 69 കുടുംബങ്ങളെ മാറ്റിപാര്‍പ്പിക്കാന്‍ കഴിഞ്ഞില്ലെങ്കില്‍ എന്തിനാണ് സര്‍ക്കാര്‍ എന്നാണ് വിഡി സതീശന് ചോദിക്കുന്നത്.
