രണ്ട് കിലോ അരി വാങ്ങാന് ആര്ടിപിസിആര് എടുക്കണമെന്നാണോ? എന്തൊരു അബദ്ധമാണ് എഴുതിവെച്ചിരിക്കുന്നതെന്ന് പ്രതിപക്ഷ നേതാവ് വിഡി സതീശന് ചോദിക്കുന്നു. സംസ്ഥാന സര്ക്കാരിന്റെ പുതിയ കോവിഡ് നിയന്ത്രണങ്ങള് സഭയില് ഞങ്ങള് ചോദ്യം ചെയ്തിരുന്നു. എന്നാല് ശിവന്കുട്ടിയെ പോലെ ഗുണ്ടയെ പോലെ നിയമസഭയില് പ്രതിഷേധിക്കാന് ഞങ്ങള്ക്കാവില്ലെന്നും വിഡി സതീശന് പറയുന്നു.
ഇത്തരം പരിഷ്കാരങ്ങള് കൊണ്ടുവന്നാല് ജനങ്ങളെ എങ്ങനെയാണ് ജീവിക്കേണ്ടതെന്നും വിഡി സതീശന് ചോദിക്കുന്നു. 42.1% മാത്രമാണ് ഒന്നാം ഡോസ് എടുത്തതെന്നും വളരെ അപ്രായോഗിക നിര്ദ്ദേശമാണ് ഇതെന്നും വി ഡി സതീശന് പറയുന്നു. നിര്ദ്ദേശങ്ങളില് ആകെ അവ്യക്തതയാണെന്നും ഇത് പൊലീസുകാര്ക്ക് ഫൈന് അടിക്കാനുള്ള നിര്ദ്ദേശമാണെന്നും സതീശന് ചൂണ്ടിക്കാണിക്കുന്നു. കേരളം ഇപ്പോള് ഒരു ഫൈന് സ്റ്റേറ്റായി മാറിയിരിക്കുകയാണ്.
കൂടുതല് ഇളവുകള് വരുത്തുമെന്ന് പറഞ്ഞിട്ട് അതിന് മുന്പുണ്ടായതിനേക്കാള് കൂടുതല് നിയന്ത്രണങ്ങളാണ് ഇപ്പോള് സര്ക്കാര് കൊണ്ടുവന്നിരിക്കുന്നതെന്നും വിഡി സതീശന് മാധ്യമങ്ങളോട് പറഞ്ഞു.