കെഎസ്ആര്ടിസിയിലെ 100 കോടി രൂപയുടെ ക്രമക്കേടുണ്ടെന്ന കണ്ടെത്തലിന് പിന്നാലെ വിശദ വിവരങ്ങൾ അടങ്ങുന്ന രേഖകൾ പുറത്ത്. 2015 ലെ പ്രവര്ത്തനങ്ങള് സംബന്ധിച്ച് 2018 ല് നടന്ന ഓഡിറ്റ് വിവരങ്ങളുടെ രേഖകളാണ് പുറത്ത് വന്നത്. കെടിഡിഎഫ്സിക്ക് തിരിച്ചടയ്ക്കാന് നല്കിയ തുകയില് ഗുരുതര വീഴ്ച സംഭവിച്ചുവെന്ന് വ്യക്തമാക്കുന്ന രേഖകളാണ് പുറത്തായത്. 311.98 കോടി രൂപയ്ക്ക് കണക്കില്ലെന്നും രേഖകൾ ചൂണ്ടിക്കാട്ടുന്നു. കെഎസ്ആര്ടിസിയുടെ അക്കൗണ്ടുകള് പരിശോധന നടത്തിയപ്പോൾ 100 കോടിരൂപയുടെ തിരിമറിയും കണ്ടെത്തിയതായും റിപ്പോർട്ടിൽ വ്യക്തമാക്കുന്നു.
2018 ല് സ്വകാര്യ ഓഡിറ്റിംഗ് ഏജന്സിയെക്കൊണ്ട് നടത്തിയ ഓഡിറ്റിന്റെ രേഖകളാണ് പുറത്തു വന്നിട്ടുള്ളത്. കെഎസ്ആര്ടിസി സിഎംഡി ബിജു പ്രഭാകർ പറഞ്ഞ കാര്യങ്ങൾ സത്യമാണെന്ന് വ്യക്തമാക്കുന്ന രീതിയിലുള്ള റിപ്പോർട്ടുകളാണ് പുറത്തായത്. അതെ സമയം, കെഎസ്ആര്ടിസി ജീവനക്കാരെ ആക്ഷേപിച്ചുവെന്ന ആരോപണത്തിൽ എം ഡി വിശദികരണം നൽകി രംഗത്ത് വരുകയും ചെയ്തു. കെഎസ്ആര്ടിസി ജീവനക്കാരെ അധിക്ഷേപിച്ചിട്ടില്ല. ജീവനക്കാര് തെറ്റിദ്ധാരണ മൂലമാണ് തനിക്കെതിരെ പ്രകടനം നടത്തിയതെന്നും അദ്ദേഹം പറഞ്ഞു. അധിക്ഷേപിച്ചതായി ആര്ക്കെങ്കിലും തോന്നിയിട്ടുണ്ടെങ്കില് അത് ഇവിടുത്തെ കാട്ടുകള്ളന്മാര്ക്കാണ്. ജീവനക്കാരെ ആക്ഷേപിച്ചിട്ടില്ല. ചീഫ് ഓഫീസിലിരിക്കുന്ന അഞ്ച് ആറ് കഴിവുകെട്ട ഉദ്യോഗസ്ഥരെ മാറ്റിയാല് ഈ സംവിധാനം നന്നാകുമെന്നും അദ്ദേഹം കൂട്ടിച്ചേർത്തു.
Summary: records of irregularities in ksrtc