വിവാദമായ കാര്‍ഷിക നിയമങ്ങല്‍ക്കെതിരെ ഒരു മാസത്തോളമായി ഡല്‍ഹി – ഹരിയാന അതിര്‍ത്തികളില്‍ സംമരം ചെയ്യുന്ന കര്‍ഷകരെ നീക്കം ചെയ്യണമെന്നാവശ്യപ്പെട്ട് നല്‍കിയ ഹര്‍ജികള്‍ തിങ്കളാഴ്ച പരിഗണിക്കുമെന്ന് സുപ്രീം കോടതി.
നിയമങ്ങള്‍ റദ്ദാക്കണമെന്നാവശ്യപ്പെട്ട് നല്‍കിയ ഹര്‍ജി പരിഗണിക്കവെയാണ് ചീഫ് ജസ്റ്റിസ് എസ് ഐ ബോബ്‌ഡെ ഇക്കാര്യം അറിയിച്ചത്. അതോടൊപ്പം തന്നെ നിലവിലെ സമര ഭൂമിയില്‍ സ്ഥിതിഗതികളില്‍ ഒരു മാറ്റവുമില്ലെന്ന് ചീഫ് ജസ്റ്റിസ് പറഞ്ഞു.
ഇപ്പോഴും സര്‍ക്കാരും സമരക്കാരും തമ്മിലുള്ള ചര്‍ച്ചകള്‍ നടന്നുകൊണ്ടിരിക്കുകയാണെന്നും അവര്‍ തമ്മില്‍ എന്തെങ്കിലും ധാരണയുണ്ടാകാനുള്ള സാധ്യതയുണ്ടെന്നും അറ്റോര്‍ണി ജനറല്‍ കെ.കെ വേണുഗോപാല്‍ കോടതിയെ അറിയിച്ചു. സാഹചര്യം മനസിലാക്കുന്നുവെന്നും ചര്‍ച്ചകള്‍ പ്രോത്സാഹിപ്പിക്കാനാണ് കോടതിയുടെ ആഗ്രഹമെന്നും ചീഫ് ജസ്റ്റിസ് പറഞ്ഞു. സര്‍ക്കാര്‍ ്ആവശ്യപ്പെടുകയാണെങ്കില്‍ തിങ്കളാഴ്ചയും ഹര്‍ജികള്‍ മാറ്റിയേക്കുമെന്ന് കോടതി സൂചിപ്പിച്ചു.
Summary : Petitions seeking the removal of the protesting farmers from the border will be considered on Monday.
