ബ്രിട്ടനിലാണ് ആദ്യമായി ജനിതകമാറ്റം വന്ന കൊറോണ വൈറസിനെ കണ്ടെത്തുന്നത്. ബ്രിട്ടനില്‍ നിന്നു ഇന്ത്യയില്‍ എത്തിയവരില്‍ പുതിയ വൈറസിന്റെ സാന്നിധ്യം കണ്ടെത്തിയിരുന്നു. ഇന്ന് ഇന്ത്യയില്‍ പുതിയ വൈറസിന്റെ സാന്നിധ്യം നാലുപേരില്‍ കൂടി കണ്ടെത്തി. ഇതോടെ ഇന്ത്യയില്‍ വൈറസ് ബാധിച്ചവരുടെ ആകെ എണ്ണം 29 ആയി. നാല് കേസുകളില്‍ മൂന്നെണ്ണം ബെംഗളൂരുവില്‍ ആണ് കണ്ടെത്തിയത്. ഒന്ന് ഹൈദരാബാദിലും.
ഇതുവരെ 10 കേസുകള്‍ ഡല്‍ഹിയിലെ ലാബുകളിലും 10 എണ്ണം ബെംഗളൂരു ലാബിലും ഒന്ന് പശ്ചിമ ബംഗാളിലും മൂന്നെണ്ണം ഹൈദരാബാദിലും അഞ്ച് കേസുകള്‍ പൂനെ നാഷണല്‍ ഇന്‍സ്റ്റിറ്റ്യൂട്ട് ഓഫ് വൈറോളജിയിലും കണ്ടെത്തി.
ഡെന്‍മാര്‍ക്ക്, നെതര്‍ലന്‍ഡ്സ്, ആസ്ത്രേലിയ, ഇറ്റലി, സ്വീഡന്‍, ഫ്രാന്‍സ്, സ്പെയിന്‍, സ്വിറ്റ്സര്‍ലന്‍ഡ്, ജര്‍മനി, കാനഡ, ജപ്പാന്‍, ലെബനന്‍, സിംഗപുര്‍ എന്നിവിടങ്ങളില്‍ നിലവില്‍ പുതിയ വകഭേദം കണ്ടെത്തിയിട്ടുണ്ട്.
Summary : Four more genetically modified virus cases in India; The total number of cases was 29.
