കോഴിക്കോട് . കൊയിലാണ്ടി പുറംകടലിൽ ഇറാനിയൻ ബോട്ട് പിടികൂടി ഇന്ത്യൻ കോസ്റ്റ് ഗാർഡ്. കന്യാകുമാരി സ്വദേശികളായ 6 മത്സ്യത്തൊഴിലാളികളാണ് ബോട്ടിലുണ്ടായിരുന്നത്. ഇറാനില് മത്സ്യബന്ധനത്തിന് പോയ സംഘത്തിലുള്ളവരാണിവര്. ഇവരെ ഇന്ത്യൻ കോസ്റ്റ് ഗാർഡ് കസ്റ്റഡിയിൽ എടുത്തിട്ടുണ്ട്. കൊയിലാണ്ടി യില് നിന്ന് 20 നോട്ടിക്കല് മൈല് അകലെയാണ് ബോട്ട് കണ്ടെത്തി യത്. ബോട്ട് നിലവില് കോസ്റ്റ് ഗാര്ഡിന്റെ കസ്റ്റഡിയിലാണ്.
കൊച്ചിയില് നിന്നുള്ള കോസ്റ്റ് ഗാര്ഡ് സംഘമാണ് ഇവരെ പിടികൂടിയത്. ഇന്ധനം തീർന്ന ബോട്ട് കോഴിക്കോട് കൊയിലാണ്ടി തീരത്ത് കുടുങ്ങുകയായിരുന്നു. അസ്വഭാവികമായി ഇറാനിയന് ബോട്ടിന്റെ സാന്നിധ്യം സംബന്ധിച്ച് രഹസ്യ വിവരം ലഭിച്ചതിന്റെ അടിസ്ഥാനത്തില് നടത്തിയ പരിശോധനയിലും ചോദ്യം ചെയ്യലിലുമാണ് ഇവര് പിടിയിലായത്. ശമ്പളം കിട്ടാഞ്ഞതിനെ തുടര്ന്ന് രക്ഷപ്പെട്ട് എത്തിയ സംഘത്തെ കോസ്റ്റ് ഗാര്ഡ് കണ്ടെത്തുകയായിരുന്നു.