ചെന്നൈ . തമിഴ് ബിഗ് ബോസ് താരത്തെ വിമർശിച്ച പിറകെ നടിയും റിയാലിറ്റി ഷോ മുൻ താരവുമായ വനിതാ വിജയകുമാറിനു നേരെ ആക്രമണം. സ്വകാര്യ ചാനൽ സംപ്രേഷണം ചെയ്യുന്ന ബിഗ് ബോസ് എന്ന റിയാലിറ്റി ഷോയുടെ മൂന്നാം സീസണിലെ മത്സരാർഥിയാ യിരുന്ന വനിതയുടെ മുഖത്തു സാരമായി പരുക്കേട്ടുണ്ട്. നടി ചികിത്സ തേടി.
ബിഗ് ബോസ് സീസൺ അവസാനിച്ചതിൽ പിന്നെ സമൂഹ മാധ്യമങ്ങളിൽ സജീവ സാന്നിധ്യമായിരുന്ന വനിതാ വിജയകുമാർ സ്വന്തമായി യുട്യൂബ് ചാനൽ തുടങ്ങി നിരവധി വിഡിയോകൾ പോസ്റ്റ് ചെയ്തിരുന്നു. വനിതാ വിജയകുമാറിന്റെ മകൾ ജോവികയും ബിഗ് ബോസ് സീസൺ 7ൽ പങ്കെടുക്കുന്നുണ്ട്. ഇതേ ഷോയിൽ നിന്നു പുറത്തായ പ്രദീപ് ആന്റണിയെന്ന താരത്തെ ബിഗ് ബോസ് റിവ്യൂ എന്ന യുട്യൂബ് ചാനലിലൂടെ നടി വിമർശിക്കുകയാണ് ഉണ്ടായത്.
ഈ സംഭാവത്തോടെയാണ് വനിതാ വിജയകുമാറിനു നേരെ ആക്രമണമുണ്ടാകുന്നത്. സഹോദരിയുടെ വീട്ടിലെത്തി മടങ്ങിയ തന്റെ മുന്നിലെത്തിയ അജ്ഞാതൻ താൻ പ്രദീപിന്റെ അനുയായി ആണെന്നു പറഞ്ഞ് മുഖത്തടിച്ചെന്നും അപഹസിച്ചെന്നും വനിത സമൂഹമാധ്യമങ്ങളിൽ കുറിച്ചിട്ടുണ്ട്. മുഖത്തേറ്റ പരുക്കിന്റെ ചിത്രവും വനിത പങ്കുവച്ചിരിക്കുന്നു.
