കോട്ടയത്ത് പ്രഭാത സവാരിക്കായി പോയ അച്ഛനെയും മകനെയും മരിച്ച നിലയില്‍ കണ്ടെത്തി. കോട്ടയം മീനടം നെടുംപൊയ്കയില്‍ പുതുവയല്‍ വട്ടുകളത്തില്‍ ബിനു മകന്‍ ശിവഹരി എന്നിവരെയാണ് മരിച്ച നിലയില്‍ കാണുന്നത്. പ്രഭാത സവാരിക്കിറങ്ങിയ ഇരുവരെയും സമീപത്തെ ആളൊഴിഞ്ഞ കെട്ടിടത്തില്‍ തൂങ്ങി മരിച്ച നിലയില്‍ കണ്ടെത്തുകയായിരുന്നു.
ശിവഹരിയെ കൊലപ്പെടുത്തി പിതാവ് ബിനു ആത്മഹത്യ ചെയ്തതാകുമെന്നാണ് ഇപ്പോഴുള്ള പോലീസിന്റെ പ്രാഥമിക നിഗമനം. ഇരുവരും പതിവായി പ്രഭാത സവാരിയ്ക്ക് പോകാറുണ്ടെന്ന് വീട്ടുകാര്‍ പറയൂന്നു. രാവിലെ ഏഴിന് പതിവുപോലെ ഇരുവരും നടക്കാനിറങ്ങി. എന്നാല്‍ ഏറെ നേരം കഴിഞ്ഞിട്ടും ഇരുവരെയും കാണാത്തതിനെ തുടര്‍ന്ന് ബന്ധുക്കള്‍ അന്വേഷിച്ചിറങ്ങി.
കാണാത്തതിനെ തുടര്‍ന്ന് നടത്തിയ അന്വേഷണത്തിലാണ് പിതാവിനെയും മകനെയും തൂങ്ങി മരിച്ച നിലയില്‍ കണ്ടെത്തിയത്. ബിനു ഇലക്ട്രിക്കല്‍ ജോലി ചെയ്തു വരികയായിരുന്നു . ശിവഹരി മൂന്നാം ക്ലാസ് വിദ്യാര്‍ത്ഥിയാണ്. മരണ കാരണം വ്യക്തമല്ല. ഇന്‍ക്വിസ്റ്റ് നടപടികള്‍ നടക്കുന്നു.
