ലാവ്ലിൻ കേസിൽ പിണറായി വിജയന് ഒരു ചുക്കും സംഭവിക്കില്ല എന്ന് കെ എം ഷാജഹാൻ . ലാവ്ലിൻ കേസിൽ നാളെ സുപ്രീം കോടതി വാദം കേൾക്കാനിരിക്കെയാണ് ഷാജഹാന്റെ ഈ പരാമർശം. കേസിൽ നിന്നും പിണറായിയെ നരേന്ദ്രത മോഡി രക്ഷിക്കുമെന്നും പിണറായി ബിജെപി ബാന്ധവത്തിന്റെ തെളിവാണതെന്നും ഷാജഹാൻ പറഞ്ഞു. കെന്ദ്രവും സി ബി ഐ യും പിണറായി വിജയനും തമ്മിലുള്ള ന്തര്ധാര സജീവമായിരിക്കുന്ന സാഹചര്യത്തിൽ പിണറായി വിജയന് ഈ കേസിൽ എന്ത് സംഭവിക്കാനാണെന്നും ഷാജഹാൻ ചോദിച്ചു.
നാളെ അതായത് ജൂലൈ 18 നാണ് എസ്എൻസി ലാവ്ലിൻ കേസ് സുപ്രീം കോടതിയുടെ പുതിയ ബെഞ്ച് പരിഗണിക്കുക . ജസ്റ്റിസ് സൂര്യകാന്ത്, ജസ്റ്റിസ് ദീപാങ്കർ ദത്ത എന്നിവരടങ്ങിയ ബെഞ്ചാകും കേസ് പരിഗണിക്കുക. മലയാളി കൂടിയായ ജസ്റ്റിസ് സി.ടി.രവി കേസ് പരിഗണിക്കുന്നതിൽ നിന്ന് പിന്മാറിയതിനാലാണ് പുതിയ ബെഞ്ചിലേക്ക് മാറ്റിയത്. ഹൈക്കോടതിയിൽ ഇതേ കേസിൽ വാദം കേട്ടിട്ടുണ്ടെന്നു ചൂണ്ടിക്കാട്ടിയാണ് ജസ്റ്റിസ് സി.ടി.രവി പിന്മാറിയത്. ഈ മാസം 18ന് കേസ് പരിഗണിക്കുമെന്ന് സുപ്രീം കോടതി വെബ്സൈറ്റിൽ അറിയിച്ചിട്ടുണ്ട്. 33 തവണയാണ് ഇതുവരെ കേസ് മാറ്റിവച്ചിട്ടുള്ളത്. മുഖ്യമന്ത്രി പിണറായി വിജയൻ, ഊർജ വകുപ്പു സെക്രട്ടറി കെ.മോഹനചന്ദ്രൻ, ജോയിന്റ് സെക്രട്ടറി എ.ഫ്രാൻസിസ് എന്നിവരെ കുറ്റവിമുക്തരാക്കിയ 2017 ലെ ഹൈക്കോടതി വിധിക്കെതിരെയുള്ള സിബിഐയുടെ ഹർജിയും ഹൈക്കോടതി ഉത്തരവു പ്രകാരം വിചാരണ നേരിടേണ്ട വൈദ്യുതി ബോർഡ് മുൻ സാമ്പത്തിക ഉപദേഷ്ടാവ് കെ.ജി.രാജശേഖരൻ നായർ, ബോർഡ് മുൻ ചെയർമാൻ ആർ.ശിവദാസൻ, മുൻ ചീഫ് എൻജിനീയർ കസ്‌തൂരിരംഗ അയ്യർ എന്നിവർ ഇളവു വേണമെന്ന് ആവശ്യപ്പെടുന്ന ഹർജികളുമാണ് സുപ്രീം കോടതിയുടെ പരിഗണനയിലുള്ളത്.
