കുപ്രസിദ്ധ ഗുണ്ടയും മന്ത്രി വീണാ ജോർജിന്റെ വലം കൈയുമായ ജീമോൻ കല്ലുപുരയ്‌ക്കൽ പോക്സോ കേസിൽ അറസ്റ്റിൽ . കണ്ണ് കാണാനാവാത്ത പ്രായപൂർത്തിയാകാത്ത പെൺകുട്ടിയെ ലൈംഗിക അതിക്രമത്തിനിരയാക്കിയ കുറ്റത്തിന് കാഞ്ഞങ്ങാട് വെച്ചാണ് ഇയാളെ പോലീസ് പിടികൂടിയത് .
എറണാകുളം മുനമ്പം പോലീസ് സ്റ്റേഷൻ അതിർത്തിയിലുള്ള ഒരു റിസോർട്ടിൽ വെച്ചാണ് ഇയാൾ പതിമ്മൂന്നുകാരിയായ പെൺകുട്ടിയെ പിച്ചിച്ചീന്തിയത് . പിന്നണി ഗായികയാക്കാം എന്ന വാഗ്ദാനം നൽകി പെൺകുട്ടിയുടെ അകൗണ്ടിൽ നിന്ന് പണം കൈക്കലാക്കുകയും പിന്നീട് നിരന്തരം ഈ കുട്ടിയെ ലൈംഗികമായി ഉപയോഗിക്കുകയുമായിരുന്നു എന്ന് പോലീസ് പറഞ്ഞു. വലിയ തുറ പോലീസ് സ്റ്റേഷൻ അതിർത്തിയിൽ വെച്ചും ഇയാൾ കുട്ടിയെ ശാരീരിക പീഡനത്തിനിരയാക്കിയിരുന്നു . ഇതിന്റെ അടിസ്ഥാനത്തിൽ വലിയ തുറ പോലീസും ഇയാൾക്കെതിരെ കേസ് എടുത്തിട്ടുണ്ട്. കുട്ടിയുടെ 164 രഹസ്യ മൊഴി പ്രകാരം മജിസ്‌ട്രേറ്റിന്റെ പ്രത്യേക ഉത്തരവിന് മേലാണ് അറസ്റ്റ്.
കേരളത്തിലുടനീളം നിരവധി കേസുകളിൽ പ്രതിയായിട്ടുള്ള ആളാണ് ജീമോൻ കല്ലുപുരയ്‌ക്കൽ എന്ന ഈ വ്യാജ മനുഷ്യാവകാശ പ്രവർത്തകൻ. എളമക്കര പോലീസ് സ്റ്റേഷനിലെ ഫൈസൽ എന്ന പോലീസ് ഉദ്യോഗസ്ഥനെ മർദ്ദിച്ചതിന് അറസ്റ്റ് ചെയ്യപ്പെട്ട് ജയിൽ ശിക്ഷ അനുഭവിച്ചിട്ടുള്ള ജീമോൻ അറിയപ്പെടുന്ന ഒരു ഗുണ്ടയാണ് . പല പെൺകുട്ടികളെയും ഉപദ്രവിച്ചതിന്റെ പേരിൽ ഇയാൾ നിരവധി തവണ കേസുകളിൽ പെട്ടിട്ടുണ്ട് . ക്രൈം നന്ദകുമാറിനെ കുടുക്കാൻ വീണാ ജോർജ് നൽകിയ ക്വട്ടേഷന്റെ ഭാഗമായിരുന്നു നന്ദകുമാറിനെതിരെയുള്ള കള്ളക്കേസെന്നു ഇയാൾ തന്നെ വെളിപ്പെടുത്തിയിട്ടുള്ളതാണ് . മാത്രമല്ല ഇയാൾ വീണാ ജോർജിന്റെ ക്വട്ടേഷൻ സംഘ തലവനാണെന്നും ഇയാൾ പല തവണ തുറന്നു പറഞ്ഞിട്ടുമുണ്ട്.
