നടി ആക്രമിക്കപ്പെട്ട കേസിൽ അതിജീവിതയായ നടിക്ക് നീതി കിട്ടില്ല എന്ന് കെ കെ രമ . നീതി ലഭിക്കുമെന്നു യാതൊരു വിശ്വാസവും തനിക്കില്ല എന്നും കാരണം ഇവിടെ ഭരിക്കുന്നത് പണമാണെന്നും പണത്തിനു വേണ്ടി അവരെ എന്തും ചെയ്യുമെന്നും രമ പറഞ്ഞു. ഈ സർക്കാർ ഇടതുപക്ഷമല്ല തീവ്ര വലതു പക്ഷമാണെന്നു കെ കെ രമ പറഞ്ഞു. ഇങ്ങനെയൊരു സർക്കാരിൽ നിന്നും നടിക്ക് നീതി കിട്ടില്ല എന്ന് തനിക്കുറപ്പാണെന്നും രമ കുറ്റപ്പെടുത്തി. കോടതിയിൽ നിന്നു പോലും തെളിവായ ദൃശ്യങ്ങൾ ചോർന്നു പോകുന്ന മായാജാലമാണ് ഇവിടെ നടക്കുന്നത് എന്നും അവർ പരിഹസിച്ചു. സ്ത്രീപക്ഷ സർക്കാർ എന്ന് പറഞ്ഞ് വോട്ടു വാങ്ങിയ സർക്കാർ സ്ത്രീവിരുദ്ധ നിലപാടുകൾ മാത്രമാണ് കൈക്കൊള്ളുന്നതെന്നും കെ കെ രമ പറഞ്ഞു. മുഖ്യമന്ത്രിയുടെ അനുഗ്രഹത്തോടും ആശിർവാദത്തോടെയുമാണ് ഇവിടെ ഇത്തരം കൊള്ളരുതായ്മകള അരങ്ങേറുന്നതെന്നും കെ കെ രമ പറഞ്ഞു.
വാക്കുകളിലേക്ക്
