പിണറായി അമേരിക്കയിൽ നിന്ന് വന്നതിനു ശേഷം എന്തൊക്കെയോ മാറ്റങ്ങളുണ്ടെന്നു കെ മുരളീധരന്റെ പരിഹാസം. മുഖ്യമന്ത്രിയായി വന്ന നാൾ മുതലുള്ള കാലം തെറ്റി മഴയും ദുരന്തങ്ങളും ആണെന്നും , ഇപ്പോൾ അമേരിക്കയിൽ നിന്നും വന്നപ്പോൾ അതിലും ഭീകരമായ ദുരന്തങ്ങളാണ് കേരളത്തിൽ ഉണ്ടാകുന്നതെന്നും കെ മുരളീധരൻ പരിഹസിച്ചു. തൃശ്ശൂർ പൂരത്തിലെ വെടിക്കെട്ട് പോലും മുടങ്ങിപ്പോയെന്നും ഇതെല്ലാം മുഖ്യമന്ത്രിയുടെ ദോഷമാണെന്നും മുരളീധരൻ പരിഹസിച്ചു.എരണം കെട്ടവൻ നാട് ഭരിച്ചാൽ നാട് മുടിയുമെന്നും മുരളീധരൻ ആഞ്ഞടിച്ചു.
പിണറായി വിജയനെ ആക്ഷേപ ഹാസ്യത്തിലൂടെ കടന്നാക്രമിക്കുകയായിരുന്നു കെ മുരളീധരൻ ചെയ്തത് . കേട്ട് കേൾവിയില്ലാത്ത അസുഖങ്ങൾ വന്നതും നാട് മുടിഞ്ഞതുമെല്ലാം ഭരിക്കുന്നവന്റെ കഴിവുകേട് കൊണ്ട് തന്നെയാണെന്നും മുരളീധരൻ കുറ്റപ്പെടുത്തി . എ കെ ആന്റണിയും ഉമ്മൻ ചാണ്ടിയുമൊന്നും ഭരിച്ചപ്പോൾ ഇല്ലാത്ത നിപ്പയും കോറോണയുമൊക്കെ പിണറായി ഭരിക്കുമ്പോൾ കൂട്ടമായെത്തുന്നുവെന്നും അദ്ദേഹം കളിയാക്കി.
പി ടി തോമസിന്റെ മരണത്തെ സൗഭാഗ്യമെന്നു വിശേഷിപ്പിച്ച പിണറായിയുടെ നിലപാടിനെതിരെയും കെ മുരളീധരൻ ആഞ്ഞടിച്ചു.
മുരളീധരന്റെ രസകരമായ പ്രസംഗത്തിലേക്ക് ….
