കാബൂള്‍: അഫ്ഗാനിസ്ഥാനില്‍ വീണ്ടും ഭീകരാക്രമണം. പള്ളിയില്‍ വന്‍ സ്‌ഫോടനം ഉണ്ടായത്. സൈനികള്‍ ഉള്‍പ്പെടെ അഞ്ച്‌പേര്‍ കൊല്ലപ്പെട്ടതായും നിരവധിപേര്‍ക്ക് പരിക്കേറ്റതായാണ് പുറത്ത് വരുന്ന റിപ്പോര്‍ട്ട്. ഇന്ന് ഉച്ചയോടെയായിരുന്നു ബാള്‍ഖിലെ മസാര്‍ നഗരത്തിലെ സിഹ് ദോക്കന്‍ മസ്ജിദിലാണ് സ്‌ഫോടനം ഉണ്ടായത്്.
പള്ളിയില്‍ പ്രാര്‍ത്ഥനയ്ക്കായി വിശ്വാസികള്‍ എത്തിയ സമയത്തായിരുന്നു സ്‌പോടനം നടന്നത്. ആക്രമണത്തില്‍ പള്ളിക്ക് കേടുപാടുകള്‍ സംഭവിച്ചിട്ടുണ്ട്. പ്രദേശത്ത് രക്ഷാപ്രവര്‍ത്തനം തുടരുകയാണ്. സ്ഫോടനത്തില് നാല് സൈനികര്‍ മരിച്ചെന്നാണ് റിപ്പോര്‍ട്ട്.അതേസമയം നന്‍ഗര്‍ഹാര്‍, കുണ്ടൂസ്, എന്നിവിടങ്ങളിലും ഭീകരാക്രമണം ഉണ്ടായി. കാബൂളിലെ ഖ്വാംപര്‍ സ്‌ക്വയറില്‍ ഉണ്ടായ സ്ഫോടനത്തില് രണ്ട് കുട്ടികള്‍ ഉള്‍പ്പെടെ ആറ് പേര്‍ക്ക് പരിക്കേറ്റു.
കഴിഞ്ഞ ഏതാനും ദിവസങ്ങളായി അഫ്ഗാനില്‍ സ്ഫോടന പരമ്പര അരങ്ങേറുകയാണ്. കഴിഞ്ഞ ദിവസം കാബൂളിന് സമീപത്തെ ഷിയാ സ്‌കൂളിലുണ്ടായ ആക്രമണത്തില്‍ ആറ് പേര്‍ കൊല്ലപ്പെട്ടിരുന്നു.
