തിരുവനന്തപുരം: അപകടത്തില്പ്പെട്ട് ചോരയില് കുളിച്ച കുഞ്ഞിനെ രക്ഷപ്പെടുത്തി സ്പീക്കര് എം.ബി.രാജേഷ. എട്ടുമാസം മാത്രം പ്രായമുള്ള കുഞ്ഞിനാണ് സപീക്കര് രക്ഷകനായി മാറിയത്്.തൃത്താലയില്നിന്നും തിരുവനന്തപുരത്തേക്ക് പോകുകയായിരുന്നു സ്പീക്കര്. തിങ്കളാഴ്ച രാത്രി പത്തോടെയായിരുന്നു സംഭവം.
തിരുവനന്തപുരം മംഗലപുരത്ത് ദേശീയപാതയില് ചോരയില് കുളിച്ചുകിടക്കുന്ന കുഞ്ഞിനെ കണ്ട് സ്പീക്കര് വാഹനം നിര്ത്തുകയായിരുന്നു.വാഹനാപകട സമയത്ത് കുഞ്ഞ് റോഡിലേക്ക് തെറിച്ചുവീണതാണെന്ന് മനസ്സിലായ സ്പീക്കര് ഉടന് തന്നെ സ്പീക്കര് കുഞ്ഞുമായി തൊട്ടടുത്തുള്ള കഴക്കൂട്ടം സിഎസ്ഐ മിഷന് ഹോസ്പിറ്റലിലേക്ക് തിരിക്കുകയായിരുന്നു.
കൂടെ വാഹനത്തില് ഉള്ളവരെ ആശുപത്രിയിലെത്തിക്കാന് പൈലറ്റ് പൊലീസുകാര്ക്ക് നിര്ദ്ദേശം നല്കി. പ്രാഥമിക ശുശ്രൂഷയ്ക്ക് ശേഷം കുഞ്ഞിനെ തിരുവനന്തപുരം മെഡിക്കല് കോളജില് എത്തിച്ചു.
നിലവില് കുഞ്ഞും മാതാപിതാക്കളും അപകടനില തരണം ചെയ്തെന്ന് ആശുപത്രി അധികൃതര് അറിയിച്ചു.