വത്തിക്കാന്:ഈസ്റ്റര് ദിനത്തില് സമാധാന സന്ദേശം നല്കി ഫ്രാന്സിസ് മാര്പ്പാപ്പ.യുക്രെയിന് യുദ്ധത്തിന്റെ ക്രൂരതയെ അപലപിച്ച് ഫ്രാന്സിസ് മാര്പ്പാപ്പ. യുദ്ധഭീതി അടയാളപ്പെടുത്തുന്ന ദിനങ്ങളില് സമാധാനത്തിനായി പ്രവര്ത്തിക്കണമെന്ന് അദ്ദേഹം പറഞ്ഞു.യുദ്ധത്തിന്റെ ഇരകള്ക്കായി പ്രാര്ത്ഥിക്കുന്നെന്ന് അദ്ദേഹം പറഞ്ഞു. യുക്രെയിന് ജനതയുടെ ധീരതയെ വാഴ്ത്തിയ മാര്പ്പാപ്പ, അവര്ക്കൊപ്പമുണ്ടെന്ന് അറിയിച്ചു.
സെന്റ് പീറ്റേഴ്സ് ബസലിക്കയില് നടന്ന ചടങ്ങുകള്ക്ക് മാര്പാപ്പ നേതൃത്വം നല്കി. ആരോഗ്യ പ്രശ്നങ്ങള് ഉള്ളതിനാല് സെന്റ് പീറ്റേഴ്സ് ബസിലിക്കയുടെ മുന്വശത്ത് ഒരു വലിയ വെള്ളക്കസേരയില് ഇരുന്നാണ് മാര്പ്പാപ്പ തന്റെ പ്രസംഗം വായിച്ചത്.യുക്രെനിയന് ഭാഷയില് ക്രിസ്തു ഉയര്ത്തെഴുന്നേറ്റെന്ന് പറഞ്ഞുകൊണ്ടാണ് മാര്പ്പാപ്പ വാക്കുകള് അവസാനിപ്പിച്ചത്.