ഇതുവരെ കണ്ടെത്തിയവയിൽ വ്യാപനശേഷി ഏറ്റവും കൂടിയത് കോവിഡ് 19 വകഭേദമായ എക്സ് ഇ എന്ന് മുന്നറിയിപ്പ് നൽകി ലോകാരോഗ്യ സംഘടന. രാജ്യത്ത് ഒരാളിൽ കണ്ടെത്തിയതായി റിപ്പോർട്ട്. ഗുജറാത്ത് സ്വദേശിയിലാണ് എക്സ് ഇ സ്ഥിതീകരിച്ചതായി റിപ്പോർട്ട്ചെയ്യപ്പെട്ടത് .സംസ്ഥാനത്ത് മറ്റൊരു വകഭേദമായ എക്സ് എമ്മും കണ്ടെത്തിയതായി റിപ്പോർട്ടിൽ പറയുന്നു.കൊവിഡ് 19 36 മത്തെ ജനിതകമാറ്റം സംഭവിച്ച ഓമിക്രോൺ വകഭേദം സംഭവിച്ച ബി എ.1, ബി എ.2 എന്നീ ഉപവിഭാഗങ്ങൾ സംയോജിച്ച്‌ രൂപപ്പെടുന്നതാണ് എക്സ് ഇ.
ദിവസങ്ങൾക്ക് മുൻപ് മുംബയിൽ എക്സ് ഇ വകഭേദം കണ്ടെത്തിയതായി റിപ്പോർട്ടുകൾ പുറത്തുവന്നെങ്കിലും കേന്ദ്ര ആരോഗ്യമന്ത്രാലയം ഇത് തള്ളിയിരുന്നു. പുതിയ വകഭേദത്തിന്റെ സാന്നിധ്യം തെളിയിക്കാനായില്ലെന്നായിരുന്നു വിശദീകരണം. ഇൻസാകോഗ് ( ജനിതക ശ്രേണികരണവും വൈറസ് വ്യതിയാനവും പഠിക്കുന്നതിനായും നിരീക്ഷിക്കുന്നതിനായും കേന്ദ്ര ആരോഗ്യ മന്ത്രാലയം രൂപീകരിച്ച സമിതി) മുംബയ് സ്വദേശിയിൽ നിന്നും ശേഖരിച്ച സാമ്ബിൾ പരിശോധിച്ചതിൽ എക്സ് ഇ വകഭേദത്തിന്റെ ലക്ഷണങ്ങൾ കണ്ടെത്താനായില്ലെന്നായിരുന്നു ആരോഗ്യ മന്ത്രാലയം വ്യക്തമാക്കിയത്.
ബി എ.2 ഉപവിഭാഗത്തെക്കാളും വ്യാപനശേഷി കൂടിയ എക്സ് ഇ ജനുവരി 19ന് യു കെയിലാണ് ആദ്യമായി കണ്ടെത്തിയത്. എന്നാൽ പുതിയ വകഭേദം രാജ്യത്ത് മറ്റൊരു കൊവിഡ് തരംഗത്തിന് കാരണമാകുമോയെന്ന് ഇന്ത്യൻ വൈറോളജിസ്റ്റുകൾ ഇതുവരെ വ്യക്തമാക്കിയിട്ടില്ല.
