ലോസ് ആഞ്ജലീസ്: ഓസ്‌ക്കര്‍ ചടങ്ങുകളില്‍ പങ്കെടുക്കുന്നിതില്‍ നിന്ന് നടന്‍ വില്‍ സ്മ്ിത്തിന് പത്ത് വര്‍ഷത്തെ് വിലക്ക്. ഓസ്‌ക്കാര്‍ അവാര്‍ഡ് വേദിയില്‍വെച്ച് ഭാര്യയും നടിയുമായ ജെയ്ഡ സ്മിത്തിനെ പരിഹസിച്ച അവതാരകന്‍ ക്രിസ് റോക്കിനെ മുഖത്തടിച്ചിരുന്നു. ഇതിനെതുടര്‍ന്നാണ് സ്മിത്തിനെതിരേ അച്ചടക്ക നടപടി സ്വീകരിച്ചിരിക്കുന്നത്.മികച്ച നടനുള്ള പുരസ്‌കാരം സ്വന്തമാക്കി രണ്ടാഴ്ച പിന്നിടും മുന്‍പാണ് സ്മിത്തിനെതിരായ നടപടി.എന്നാല്‍, സ്മിത്ത് നേരത്തെ തന്നെ അക്കാദമിയില്‍ നിന്ന് രാജിവച്ചിരുന്നു. ഓസ്‌ക്കര്‍ സംഘാടകരായ അക്കാദമി ഓഫ് മോഷന്‍ പിക്ചേഴ്സ് ആന്‍ഡ് സയന്‍സസിന്റേതാണ് തീരുമാനം.
എന്നാല്‍ അവതാരകന്‍ ക്രിസ് റോക്കിന്റെയും സ്മിത്തിന്റെയും ഈ പ്രവൃത്തികള്‍ അവാര്‍ഡ് ചടങ്ങിന്റെ ് നിറം പൂര്‍ണമായുംകെട്ടുപോകുന്നതിന് കാരണമായി. അവാര്‍ഡുകള്‍ക്കും അഭിനേതാക്കളുടെ പ്രകടനത്തിനും പകരം ഈ സംഭവങ്ങളാണ് വാര്‍ത്തകളില്‍ നിറഞ്ഞുനിന്നതെന്നാണ്് സംഘാടകരുടെ വിലയിരുത്തല്‍. ഏപ്രില്‍ എട്ട് മുതലാണ് സ്മിത്തിനെതരായ പത്തുവര്‍ഷത്തെ വിലക്ക് നടപടി പ്രാബല്യത്തില്‍ വരിക.
സ്റ്റീവന്‍ സ്പില്‍ബര്‍ഗ്,വൂപ്പി ഗോള്‍ഡ്ബെര്‍ഗ് എന്നിവരടക്കമുള്ള ബോര്‍ഡ് അംഗങ്ങള്‍ പങ്കെടുത്ത പ്രത്യേക യോഗത്തിലാണ് സ്മിത്തിനെതിരേ നടപടി കൈക്കൊള്ളാന്‍ ഉളള തീരുമാനം. ഓസ്‌ക്കര്‍ അവാര്‍ഡ് നേടാന്‍ അഭിനേതാക്കള്‍ അക്കാദമി അംഗങ്ങള്‍ ആവണമെന്നില്ല. എന്നാല്‍, അക്കാദമി അംഗങ്ങള്‍ക്ക് മാത്രമാണ് പുരസ്‌കാര ജേതാക്കളെ തിരഞ്ഞെടുക്കുന്നതിനുള്ള വോട്ടവകാശമുള്ളൂ. ഈ അവകാശമായിരിക്കും ഇനി മുതല്‍ വരുന്ന പത്ത് വര്‍ഷത്തെക്ക് സ്മിത്തിന് നിഷേധിക്കപ്പെടുക. വില്‍ സ്മിത്തിന്റെ ഓസ്‌ക്കര്‍ തിരികെ വാങ്ങണമെന്ന തരത്തിലുള്ള ആവശ്യം നേരത്തെ ഉയര്‍ന്നിരുന്നു. എന്നാല്‍ അത്തരം നടപടികള്‍ വേണ്ടെന്നായിരുന്നു് അക്കാദമിയുടെ നിലപാട്. .
