ബി.ജെ.പിക്ക് ബദല്‍ കോണ്‍ഗ്രസ് അല്ലെന്ന് ജനങ്ങള്‍ വിശ്വസിക്കുന്ന അവസ്ഥയെത്തിയെന്ന് സി.പി.എം. സംസ്ഥാന സെക്രട്ടറി കോടിയേരി ബാലകൃഷ്ണന്‍. നിലവിലെ സാഹചര്യത്തില്‍ ഇടതുപക്ഷ പാര്‍ട്ടികളും പ്രാദേശികകക്ഷികളും മതനിരപേക്ഷ കാഴ്ചപ്പാടുള്ളവരും ചേര്‍ന്ന് ഒരു പുതിയ രാഷ്ട്രീയ ധ്രുവീകരണം ഇന്ത്യയിലുണ്ടാകണം.
കെ-റെയില്‍ പദ്ധതിയെ സംസ്ഥാനമാകെ പ്രചരിപ്പിക്കുമെന്നും കേരളത്തില്‍ വീടുവീടാന്തരം കയറി സി.പി.എം. കെ-റെയില്‍ പദ്ധതിക്ക് വേണ്ടി പ്രചരണം നടത്തുമെന്നും കോടിയേരി വ്യക്തമാക്കി. എന്‍.എസ്.എസ്, എസ്.എന്‍.ഡി.പി. എന്നിവരോട് മാത്രമല്ല, ഒരു സമുദായ സംഘടനയോടും സി.പി.എമ്മിന് ശത്രുതാപരമായ നിലപാടില്ലെന്നും അദ്ദേഹം പറഞ്ഞു.
