റഷ്യയിലുള്ള യുഎസ് പൗരൻമാർ ഉടൻ രാജ്യം വിടണം; മുന്നറിയിപ്പുമായി യു.എസ് എംബസി

 റഷ്യയിലുള്ള യുഎസ് പൗരൻമാർ ഉടൻ രാജ്യം വിടണമെന്ന് യുഎസിന്റെ മുന്നറിയിപ്പ്. നിലവിലുള്ള അനുകൂല സാഹചര്യം പ്രയോജനപ്പെടുത്തണം. മുന്നറിയിപ്പില്ലാതെ സാഹചര്യങ്ങൾ മാറാമെന്നും യുഎസ് പൗരന്മാർക്കു മുന്നറിയിപ്പു നൽകി.
പൗരന്മാരോട് റഷ്യ വിടണമെന്ന് കാനഡയും ആവശ്യപ്പെട്ടിട്ടുണ്ട്. റഷ്യയിലേക്കു പോകാനും പുറത്തേക്കു കടക്കാനും കുറച്ചു വിമാനങ്ങൾ മാത്രമാണുള്ളത്. റഷ്യയിലെ യുഎസ് പൗരന്മാരെ സഹായിക്കുന്നതിന് എംബസിക്കു പരിമിതികളുണ്ട്. യുഎസ് പൗരന്മാർ എത്രയും പെട്ടെന്ന് റഷ്യ വിടണം– റഷ്യയിലെ യുഎസ് എംബസി ട്വിറ്ററില്‍ കുറിച്ചു.