നടി കേസിൽ ദിലീപ് വീണ്ടും കുരുക്കിലായിരിക്കുകയാണ്. സംവിധായകൻ ബാലചന്ദ്രകുമാർ ദിലീപിനെതിരെ വെളിപ്പെടുത്തലുമായി രംഗത്തെത്തിയിതോടെ ദിലീപ് പെട്ടിരിക്കുകയാണ്. കേസിലെ പ്രധാന പ്രതിയായ പഴ്സർ സുനിയുടെ കത്തും പുറത്തെത്തിയിട്ടുണ്ട്. ദിലീപിനെതിരെ ഗുരുതരമായ ആരോപണങ്ങളാണ് കത്തിൽ ഉൾപ്പെടുത്തിയിട്ടുള്ളത്. കേസിൽ ദിലീപിനെ പിന്തുണക്കുന്നവരെ വലിച്ചു കീറുകയാണ് സോഷ്യൽ മീഡിയയും. അതേസമയം ദിലീപ് പറഞ്ഞ ഒരു കാര്യമാണ് ഇപ്പോൾ സോഷ്യൽ മീഡിയയുടെ പരിഹാസത്തിന് കാരണമാകുന്നത്.
ദിലീപിന് മികച്ച നടനുള്ള സംസ്ഥാന ചലച്ചിത്ര അവാര്‍ഡ് വാങ്ങിക്കൊടുത്ത സിനിമയാണ് വെള്ളരിപ്രാവിന്റെ ചങ്ങാതി.
അതിനു മുന്‍പ് പലപ്പോഴും സംസ്ഥാന അവാര്‍ഡിന് തൊട്ടരികെ ദിലീപ് എത്തിയിട്ടുണ്ട്. എന്നാല്‍, പലവിധ കാരണങ്ങളാല്‍ അപ്പോഴെല്ലാം അവസാന നിമിഷം ദിലീപ് പുറത്താകുകയായിരുന്നു. 2011 ലെ സംസ്ഥാന അവാര്‍ഡ് കിട്ടിയപ്പോള്‍ ദിലീപ് വളരെ സന്തോഷവാനായിരുന്നു. പക്ഷേ, ആ അവാര്‍ഡ് നേട്ടത്തിന്റെ സന്തോഷത്തിനൊപ്പം അക്കാലത്ത് തനിക്ക് മറ്റൊരു വിഷമം ഉണ്ടായിരുന്നെന്ന് ദിലീപ് പറയുന്നു.
മികച്ച നടനുള്ള സംസ്ഥാന അവാര്‍ഡ് കിട്ടിയ ശേഷം ബിഗ് ബി അമിതാഭ് ബച്ചന്‍ മൂന്ന്-നാല് തവണ തന്നെ ഫോണില്‍ ബന്ധപ്പെട്ടെന്ന് ദിലീപ് പറയുന്നു. അമിതാഭ് ബച്ചന്‍ വിളിച്ചപ്പോള്‍ ദിലീപിന് ഫോണ്‍ എടുക്കാന്‍ സാധിച്ചില്ല. സംസ്ഥാന അവാര്‍ഡ് കിട്ടിയതുമായി ബന്ധപ്പെട്ട് മാധ്യമങ്ങളോട് പ്രതികരിക്കുന്ന തിരക്കില്‍ ആയതിനാലാണ് ബച്ചന്റെ ഫോണ്‍ എടുക്കാന്‍ തനിക്ക് സാധിക്കാതെ പോയതെന്ന് ദിലീപ് പറയുന്നു. പിന്നീട് മറ്റൊരാള്‍ വഴിയാണ് അവാര്‍ഡ് ജേതാവായ തന്നെ ബച്ചന്‍ അഭിനന്ദനങ്ങള്‍ അറിയിച്ചതെന്നും ദിലീപ് കൂട്ടിച്ചേര്‍ത്തു.
എന്നാൽ സോഷ്യൽ മീഡിയ ഇതിനെ പുച്ഛിച്ച് തള്ളുകയാണ് തള്ളി തള്ളി ഇതെങ്ങോട്ടാണ് എന്നാണ് സോഷ്യൽ മീഡിയ ചോദിക്കുന്നത്. എന്തായാലും നടി കേസിൽ ദിലീപ് കുടുങ്ങും എന്നു തന്നെയാണ് എല്ലാവരും പറയുന്നത്. ദിലീപിനെതിരെ നിർണായകമായ പല തെളിവുകളും പുറത്തെത്തുന്നുണ്ട്.
