നിയമസഭയിലെ സഖാക്കന്മാരുടെ പൊട്ടത്തരം പൊളിച്ച് കയ്യില്‍ കൊടുത്ത് തിരുവഞ്ചൂര്‍ രാധാകൃഷ്ണന്‍. പുതിയ ആളാണെന്ന് കരുതി അദ്ദേഹത്തെ വിമര്‍ശിക്കുകയാണെന്ന് കരുതരുതെന്ന് പറഞ്ഞാണ് തിരുവഞ്ചൂര്‍ ആ കോമഡി അവതരിപ്പിച്ചത്. ലോകത്ത് ആദ്യമായി ബാലറ്റ് പേപ്പറിലൂടെ അധികാരത്തില്‍ വന്ന കമ്യൂണിസ്റ്റ് പാര്‍ട്ടി എന്നാണ് അദ്ദേഹം പറഞ്ഞത്. എന്നുപറഞ്ഞാല്‍, ബാക്കിയുള്ളയിടത്ത് അധികാരത്തില്‍ വന്നത് ബാലറ്റ് പേപ്പറിലൂടെയല്ല അട്ടിമറിയിലൂടെയാണെന്ന് സമ്മതിക്കുകയല്ലേ നിങ്ങളിപ്പോള്‍ ചെയ്തത് എന്നാണ് തിരുവഞ്ചൂര്‍ ചോദിക്കുന്നത്. ഇനി മേലാല്‍ സഭയിലൊന്നും അത്തരം പൊട്ടത്തരം പറയരുതെന്നാണ് തിരുവഞ്ചൂര്‍ പരിഹാസ രൂപേണ പറഞ്ഞത്. കമ്യൂണിസ്റ്റ് പ്രസ്ഥാനത്തെക്കുറിച്ച് ഞങ്ങള്‍ക്കും ബഹുമാനമുണ്ട്. ഇത്തരം പരാമര്‍ശങ്ങള്‍ ഗുണകരമാകില്ലെന്നും അദ്ദേഹം പറഞ്ഞു.
2018ല്‍ പ്രളയത്തില്‍ ദുരിതം അനുഭവിച്ചവര്‍ക്ക് ഇപ്പോഴും സഹായം കിട്ടിയില്ലെന്ന് പറഞ്ഞാല്‍ അത് ദുഃഖകരമാണ്. ഇതില്‍ ഒന്നും രാഷ്ട്രീയ തരംതിരിവ് അത്ര സുഖകരമല്ലെന്നും അദ്ദേഹം പറയുന്നു. പ്രളയം വരുന്നത് രാഷ്ട്രീയം നോക്കിയാണോ എന്നും തിരുവഞ്ചൂര്‍ ചോദിക്കുന്നുണ്ട്. ഇപ്പോള്‍ 1000 കോടി അനുവദിച്ചതു കണ്ടാല്‍ ഇടതുപക്ഷ നിയോജകമണ്ഡലങ്ങളിലൂടെ മാത്രമേ വെള്ളം കയറിയിട്ടുള്ളൂവെന്ന് തോന്നും. പ്രളയം ഒട്ടും ബാധിക്കാത്ത സ്ഥലത്ത് സര്‍ക്കാര്‍ പണം മുടക്കിയിട്ടുണ്ടെന്നും തിരുവഞ്ചൂര്‍ പറയുന്നു. ഗോവിന്ദന്‍ മാഷ് കുറച്ച് ഡീസന്റായി ഇതേക്കുറിച്ച് പരിശോധിക്കുന്നയാളാണ്. പരിശോധിച്ചാല്‍ മനസ്സിലാകുമെന്നും തിരുവഞ്ചൂര്‍ പരിഹസിച്ചു.
