മുഖ്യമന്ത്രി പിണറായി വിജയന്റെ മരുമകനും ടൂറിസം, പൊതുമരാമത്ത് മന്ത്രിയുമായ പി എ മുഹമ്മദ് റിയാസിനെ പ്രശംസകള് കൊണ്ട് മൂടി പ്രതിപക്ഷ എംഎല്എയും ആര്എംപി നേതാവുമായ കെകെ രമ രംഗത്ത്. ഇങ്ങനെയൊരു മന്ത്രിയെ കിട്ടിയത് അഭിമാനമായി താന് കാണുകയാണെന്നായിരുന്നു കെ കെ രമയുടെ വാക്കുകൾ. മന്ത്രി റിയാസ് അടക്കം പങ്കെടുത്ത പൊതു വേദിയില് പ്രസംഗിക്കുമ്പോഴായിരുന്നു
കെെ.കെ രമ ഇത്തരത്തിലുള്ള പ്രശംസയുമായി രംഗത്തെത്തിയത്.
വടകരയില് നടപ്പാക്കുന്ന പദ്ധതിയുമായി ബന്ധപ്പെട്ട കാര്യങ്ങള് സഭയിലും നേരിട്ടും അദ്ദേഹത്തോടു പറഞ്ഞപ്പോള് വളരെ പോസിറ്റീവായി പ്രതികരിച്ചുവെന്നും ആ കാര്യങ്ങള് ചെയ്യാമെന്ന് അദ്ദേഹം ഉറപ്പ് നല്കിയതായും കെകെ രമ വ്യക്തമാക്കി. അതേസമയം, സിപിഎമ്മിന്റെയും സര്ക്കാരിന്റെയും പ്രവര്ത്തനങ്ങളെ കടുത്ത ഭാഷയില് വിമര്ശിക്കുന്ന കെകെ രമ പാര്ട്ടി അംഗമായ മുഹമ്മദ് റിയാസിനെ പ്രശംസിച്ചത് പ്രതിപക്ഷ കക്ഷികള്ക്കിടയില് വലിയ പ്രതിഷേധത്തിന് ഇടയാക്കിയിട്ടുണ്ട്.
‘നമ്മുടെ പൊതുമരാമത്ത്, ടൂറിസം മിനിസ്റ്റര് നമ്മള് പറയുന്ന വിഷയം വളരെ ശ്രദ്ധയോടെ കേള്ക്കുകയും വളരെ പോസിറ്റീവായി പ്രതികരിക്കുകയും ചെയ്യും എന്നതാണ് ഇക്കുറി നമുക്ക് കിട്ടിയ ഒരു സൗഭാഗ്യം എന്ന് കെകെ രമ പറയുന്നു. കാര്യങ്ങള് നടത്താന് വേണ്ടി മന്ത്രി തയാറാകുകയും ചെയ്യുമെന്നും ഇങ്ങനെ ഒരു മന്ത്രിയെ കിട്ടിയത് അഭിമാനമായിതന്നെ താന് കാണുകയാണെന്നും കെകെ രമയുടെ വാക്കുകൾ.
എന്തായാലും രമയുടെ വാകകുൾ പ്രതിപക്ഷ നിരയെ ചൊടിപ്പിച്ചു എന്ന കാര്യം പറയേണ്ടതില്ല. വടകരയിൽ കോൺഗ്രസിന്റെ ടിക്കറ്റിൽ നിന്നും വിജയിച്ചാണ് രമ എം എൽ എ ആയത്.