വാക്സിനുകള് എല്ലാവരിലും ഒരുപോലെയല്ല പ്രവര്ത്തിക്കുക എന്ന് ഡോക്ടര്മാര് തന്നെ മുന്നറിയിപ്പ് നല്കിയിട്ടുണ്ട്. കോവിഡ് വാക്സിന് സ്വീകരിക്കാതെ ഇപ്പോള് പുറത്തോട്ട് പോകാനും കഴിയാത്ത് അവസ്ഥയിലാണ്. അതുകൊണട് തന്നെ എല്ലാവരും വാക്സിന് എടുക്കാനുള്ള നെട്ടോട്ടത്തിലാണ്.
അതേസമയം വാക്സിന് എടുത്താല് ആരോഗ്യ പ്രശ്നങ്ങള് ഉണ്ടാകുമെന്നും ഇത് മരണം സംഭവിക്കുന്നതിന് വരെ കാരണമായി തീരാമെന്നുമുള്ള വാര്ത്തകള് പുറത്തെത്തിയിരുന്നു .ഇത് സാധൂകരിക്കുന്ന വാര്ത്തയാണ് പുറത്തെത്തിയിരിക്കുന്നത്.
കോവിഡ് വാക്സിനെടുത്തതിന് പിന്നാലെ തലച്ചോറിലേക്കുള്ള രക്തധമനി പൊട്ടിയുണ്ടായ രക്ത സ്രാവത്തെ തുടര്ന്ന് ബിരുദ വിദ്യാര്ഥിനി മരിച്ചു.
ചെറുകോല് കാട്ടൂര് ചിറ്റാനിക്കല് വടശേരിമഠം സാബു സി. തോമസിന്റെ മകള് നോവ സാബുവാണ് (19) മരിച്ചത്.
കഴിഞ്ഞ 28ന് കൊച്ചിയിലെ സ്വകാര്യ മെഡിക്കല് കോളജ് ആശുപത്രിയില് പല്ലിനു കമ്പിയിടാന് പോയപ്പോള് അവിടെ നിന്നാണ് വാക്സീന്റെ ആദ്യ ഡോസ് സ്വീകരിക്കുന്നത്.
ഇതിനുശേഷം വീട്ടിലെത്തിക്കഴിഞ്ഞപ്പോള് പനിയുടെ ലക്ഷണം ഉണ്ടായി. പിന്നീട് രണ്ടു ദിവസം കഴിഞ്ഞപ്പോള് അസ്വസ്ഥത അനുഭവപ്പെട്ടതോടെ കോഴഞ്ചേരിയിലെ സ്വകാര്യ ആശുപത്രിയില് എത്തിച്ച് പരിശോധന നടത്തി. മരുന്നു വാങ്ങി വീട്ടിലേക്ക് മടങ്ങി.
7ന് സ്ഥിതി കൂടുതല് വഷളാവുകയും തിരുവല്ലയിലെ സ്വകാര്യ മെഡിക്കല് കോളജ് ആശുപത്രിയില് എത്തിക്കുകയുമായിരുന്നു. അവിടെ നടത്തിയ പരിശോധനയില് തലച്ചോറിലേക്കുള്ള രക്തധമനി പൊട്ടിയതായി കണ്ടെത്തി.
തുടര്ന്ന് വെന്റിലേറ്ററിലേക്ക് മാറ്റുകയും ചികിത്സ തുടരുകയും ആയിരുന്നു. തുടര്ന്നാണ് ഇന്നലെ രാവിലെയോടെ മരണം സംഭവിക്കുന്നത്.
കോവിഡ് വാക്സിനുകള് ചിലരുടെ ശരീരത്തില് പ്രശ്നങ്ങള് ഉണ്ടാക്കുകയും മരണം വരെ സംഭവിക്കുന്നതിനും കാരണമായി തീരും. ഇത്തരം ഭയപ്പെടുത്തുന്ന അനുഭവങ്ങള് കേള്ക്കുമ്പോള് സ്വഭാവികമായും വാക്സിന് എടുക്കുന്നതില് നിന്ന് പുറകോട്ട് പോകാനുള്ള സാധ്യതയുണ്ട്. എന്നാല് ഇത് എല്ലാവരിലും സംഭവിക്കുന്നതല്ല. ചിലരില് മാത്രമാണ് ഓരോരുത്തരുടെ ശരീര പ്രകൃതിക്കനുസരിച്ചും അതില് വ്യത്യാസം വന്നേക്കാം.
You must be logged in to post a comment Login