പ്രതിസന്ധികള്‍ക്കിടയിലും മലയാളികള്‍ ഓണത്തിരക്കിലേക്ക് കടക്കുകയാണ്. ഇന്ന് അത്തം. ഇന്നേക്ക് പത്താം നാള്‍ തിരുവോണം. അതേ സമയം ഇത്തവണത്തെ അത്തത്തിന് പ്രത്യേകതകള്‍ ഏറെയാണ്.
ഇന്ന് സൂര്യോദയം കഴിഞ്ഞുള്ള അല്‍പനേരം ഉത്രം നക്ഷത്രമാണെങ്കിലും രാവിലെ 8.45 മുതല്‍ അത്തം തുടങ്ങുകയായി. അത് നാളെ രാവിലെ 8 മണിവരെ നീളും എന്നതിനാല്‍ ഇന്നും നാളെയും അത്തമാണെന്ന് പറയാം.
മറ്റൊരു പ്രത്യേകത എന്നു പറഞ്ഞാല്‍ ഇത്തവണത്തെ അത്തം ചിങ്ങത്തിലല്ല. മറിച്ച കര്‍ക്കിടകത്തിലാണ്. ഇനിയും അഞ്ചുനാളുകള്‍ കഴിഞ്ഞാല്‍ മാത്രമേ ചിങ്ങം പിറക്കുകയുള്ളു.
കോവിഡ് പ്രതിസന്ധി വിട്ടുമാറാത്തതിനാല്‍ തന്നെ ഇത്തവണത്തെ ഓണാഘോഷവും ലളിതമായിരിക്കും. ഓണാഘോഷം നടത്തുന്ന പ്രമുഖ ക്ഷേത്രങ്ങളിലെല്ലാം ചടങ്ങുകള്‍ മാത്രമാണ് ഉള്ളത്. ഓണാഘോഷങ്ങള്‍ക്ക് തുടക്കമിട്ട് അത്തചമയം സംഘടിപ്പിക്കുന്ന തൃപ്പൂണിത്തറയിലും ഇത്തവണ അത്തം ഘോഷയാത്രയില്ല.
തുടര്‍ച്ചയായി ഉണ്ടായ പ്രളയവും കോറോണയും കാരണം കഴിഞ്ഞ നാലു വര്‍ഷമായി ചടങ്ങില്‍ മാത്രം ഒതുങ്ങിയിരിക്കുകയാണ് തൃപ്പൂണിത്തറ അത്തച്ചമയ ഘോഷയാത്ര.
ഈ നാല് വര്‍ഷത്തിന് മുമ്പ് വരെ തൃപ്പൂണിത്തറ അത്തച്ചമയം ആഘോഷത്തിന്റെതായിരുന്നു. ആഘോഷവും സന്തോഷവും നിറയുന്ന രാജ പാതകള്‍ അങ്ങനെ കൊട്ടും പാട്ടും മേളവുമായി ഓണത്തെ വരവേല്‍ക്കുകയായി.
തൃപ്പുണിത്തറ അത്തച്ചമയത്തോടെയാണഅ മലയാളിയുടെ ഓണഘോഷം ആരംഭിക്കുന്നത് തന്നെ. എന്നാല്‍ കഴിഞ്ഞ തവണത്തെ പോലെതന്നെ കോവിഡ് പ്രതിസന്ധി രൂക്ഷമായതിനാല്‍ ആഘോഷങ്ങള്‍ എല്ലാം മാറ്റി വെച്ചിരിക്കുകയാണ്.
അതേസമയം അത്തം നഗറില്‍ ഉയര്‍ത്താനുള്ള പതാര രാജകുടുംബത്തിന്റെ പ്രതിനിധിയായി നിര്‍മല തമ്പുരാനില്‍ നിന്ന് തൃപ്പൂണിത്തറ നഗരസഭാധ്യക്ഷ ഏറ്റുവാങ്ങി.
രാജ കുടുംബത്തിന്റെ പ്രതിനിധിയായി ഒരു സ്ത്രീ അത്തം പതാക കൈമാറുന്നത് ചരിത്രത്തില്‍ തന്നെ ഇത്ആദ്യമായിട്ടാണ്.
്അത്തച്ചമയത്തോട് അനുബന്ധിച്ച് നടത്തിയിരുന്ന കഥകളി ഓട്ടം തുള്ളല്‍ അടക്കമുള്ള മത്സരങ്ങള്‍ ഇത്തവണ ഓണ്‍ലൈനായി നടത്തും.
You must be logged in to post a comment Login