കോറോണ പേടിച്ച് നാട്ടില്‍ കുറഞ്ഞ ഒരു സംഭവമായിരുന്നു മോഷണം. മോഷ്ടിക്കാന്‍ എത്തുന്ന സ്ഥലത്ത് കോറോണ ഉണ്ടെങ്കിലോ അത് പേടിച്ച് മോഷണത്തിന് അല്‍പകാലം ഒരു കുറവ് ഉണ്ടായിരുന്നു. എന്നാല്‍ ഇപ്പോള്‍ അതേ കോറോണയെ മുന്‍ നിര്‍ത്തിയാണ് ന്യുജെന്‍ കള്ളന്‍മാര്‍ ഇറങ്ങിയിരിക്കുന്നത്.
ഇത്തരക്കാര്‍ മോഷണത്തിന് മറയാക്കാന്‍ പിപിഇ കിറ്റും, ഗ്ലൗസും മാസ്‌കുമൊക്കെയാണ് ഉപയോഗിക്കുന്നത്. ഈ ന്യൂ ജെന്‍ കള്ളന്‍മാര്‍ എത്തിയത് തൃശ്ശൂരിലെ വെള്ളറക്കാട്, പന്നിത്തടം മേഖലയിലാണ്. കടകളിലെത്തിയ ഈ കള്ളന്മാരെ തിരയുകയാണ് പൊലീസും നാട്ടുകാരും. സൂപ്പര് മാര്‍ക്കറ്റിലും മരുന്നുകടയിലുമടക്കം ഇവര്‍ മോഷണം നടത്തി. കഴിഞ്ഞ ദിവസം പുലര്‍ച്ചെ ഒരുമണിയോടെയാണ് മോഷണം നടന്നത്.
സിസിടിവി ദൃശ്യങ്ങളില്‍ നിന്നാണ് മോഷ്ടാക്കള്‍ പിപിഇ കിറ്റ് ധരിച്ചാണ് എത്തിയതെന്ന് മനസിലായത്. പിപിഇ കിറ്റ് ധരിച്ച് ഗ്ലൌസടക്കം അണിഞ്ഞാണ് മോഷ്ടാവ് കടയില്‍ കയറിയത്. പരിസര നിരീക്ഷിച്ച് ഒരാള്‍ ആ സമയത്ത് പുറത്തുണ്ടായിരുന്നു. കടകളുടെ അകത്തും പുറത്തുമായി സ്ഥാപിച്ച സിസിടിവി ക്യാമറകളില്‍ മോഷണ ദൃശ്യം വ്യക്തമാണ്. അതേസമയം പിപിഇ കിറ്റ് ധരിച്ചതു കൊണ്ട് സിസിടിവി ദൃശ്യങ്ങളില്‍ മുഖം വ്യക്തമാകില്ല ഗ്ലൗസ് ഉള്ളതുകൊണ്ട് വിരലടയാളവും ഇല്ല. ഈ പ്രത്യേകതകളാണ് കള്ളന്മാരെ ഈ രീതിയില്‍ മോഷണം നടത്താന്‍ പ്രേരിപ്പിക്കുന്നത്.
സൂപ്പര്‍മാര്‍ക്കറ്റില്‍ നിന്ന് അരലക്ഷം രൂപയും ഭക്ഷ്യ സാധനങ്ങളുമാണ് കളവ് പോയത്. അതേസമയം മരുന്നുകടയിലുണ്ടായിരുന്ന പതിനായിരം രൂപയും സംഘം മോഷ്ടിച്ചു. പിപിഇ കിറ്റും മാസ്‌കും ഗ്ലൌസും ധരിച്ച് പുറത്തിറങ്ങുന്നതിനാല്‍ കൊവിഡ് കേസാണെന്ന് കരുതി പരിശോധനകള്‍ ഒഴിവാകുന്നതാണ് മോഷ്ടാക്കള്‍ ലാക്കാക്കുന്നതെന്നാണ് വിലയിരുത്തല്‍. സംഭവത്തില്‍ പൊലീസ് അന്വേഷണം ആരംഭിച്ചു.
എന്തായാലും ഇത്തരത്തിലുള്ള ന്യൂ ജെന്‍ കള്ളന്‍മാര്‍ ഇറങ്ങിയാല്‍ പോലീസ് കുറച്ച് വിയര്‍ക്കും.
You must be logged in to post a comment Login