ലോക്ഡൗണ് നിയന്ത്രണങ്ങളെന്നും ലംഘനമെന്നും പറഞ്ഞ് റോഡിലിറങ്ങി സാധാരണക്കാരെ പിഴ ചുമത്തി പിഴിയുന്ന കേരള പോലീസിന് മുട്ടന് പണി കൊടുത്ത് ഒരു ചുണക്കുട്ടി. സോഷ്യല്മീഡിയയില് കേരള പോലീസിന്റെ നരനായാട്ടാണ് ഇപ്പോള് ചര്ച്ചയായി കൊഴുക്കുന്നത്. 2000 രൂപ പിഴ വാങ്ങി 500 രൂപയുടെ രസീത് കൊടുത്ത സംഭവവും, 50 രൂപയുടെ ഊണ് വാങ്ങാനിറങ്ങിയ ആളുടെ കൈയ്യില് നിന്ന് 500 രൂപ പിഴ വാങ്ങിയ സംഭവവും, ക്ഷേത്രത്തിലേക്ക് പോയ കുടുംബത്തിന്റെ കൈയ്യില് നിന്ന് 17500 രൂപ പെറ്റിയടിച്ച സംഭവവും നമ്മള് കണ്ടു. ഇതിനിടയില് കേരള പോലീസിന്റെ അക്രമവും ആദിവാസി ഊരിലെ പരാക്രമവും മലയാളികള് കണ്കുളിര്ക്കെ കണ്ടു. പോലീസിനെതിരെ ജനം തിരിയുന്ന കാഴ്ചയാണ് ദിവസങ്ങളായി കണ്ടുവരുന്നത്.
ലോക്ഡൗണ് കാലത്ത് പട്ടിണിയിലായി ജീവിതം കരപിടിപ്പിക്കാന് ശ്രമിക്കുന്ന സാധാരണക്കാരോട് ഇപ്പോഴും പോലീസ് പൊല്യൂഷന് സര്ട്ടിഫിക്കറ്റിന്റെയും ഇന്ഷൂര്റന്സിന്റെയും പേരും പറഞ്ഞ് പിഴ ഈടാക്കുന്നുമുണ്ട്. അപ്പോഴാണ് നമ്പര് പ്ലേറ്റ് പോലും ഇല്ലാതെ പോലീസ് ജീപ്പിന്റെ കറക്കം. വിട്ടു കൊടുക്കാന് പറ്റുമോ? ഇത് ചൂണ്ടിക്കാണിച്ച യുവാവാണ് ചുണക്കുട്ടി. സാര് ഈ വണ്ടിയുടെ നമ്പര് പ്ലേറ്റ് എവിടെ എന്ന് ചോദിക്കുമ്പോള് ഈ വാഹനത്തിന് അതുമതി എന്നാണ് പോലീസ് ധാര്ഷ്ട്യത്തോടെ പറയുന്നത്. സംഭവത്തിന്റെ വീഡിയോയാണ് ഇപ്പോള് പ്രചരിക്കുന്നത്. ഈ വാഹനത്തിന് പൊല്യൂഷന് സര്ട്ടിഫിക്കറ്റ് ഉണ്ടോ സാറേ എന്നും ഇയാള് ചോദിക്കുന്നുണ്ട്. മോട്ടോര് വെഹിക്കിള് ഡിപ്പാര്ട്ട്മെന്റ് ഓഫീസിലേക്ക് പോകാം സാറേ..എന്റെ ബൈക്കിനു പിന്നാലെ വന്നാല് മതിയെന്നും ഈ ചുണക്കുട്ടി പറയുന്നുണ്ട്…