കൊവിഡ് നിയന്ത്രണത്തിന്റെ പേരില് പോലീസ് കാട്ടികൂട്ടുന്ന പിടിച്ചുപറിയും ഉപദ്രവത്തെയും ന്യായീകരിച്ച് മുഖ്യമന്ത്രി. കലക്കി സഖാവേ… നിങ്ങളാണ് സൂപ്പര് മുഖ്യമന്ത്രി..സഭയിലാണ് നാണമില്ലാതെ മുഖ്യമന്ത്രി പിണറായി വിജയന് പോലീസിന് ക്ലീന് ചീറ്റ് നല്കിയത്. പൊലീസ് നടപടികളെ പൂര്ണമായി ന്യായീകരിച്ച അദ്ദേഹം പൊലീസിനെതിരെ പ്രചാരവേല നടക്കുന്നെന്നും കുറ്റപ്പെടുത്തി. പിഴ ചുമത്തുന്നത് അപരാധമല്ലെന്നും അത് അവരുടെ ഡ്യൂട്ടിയാണെന്നും മുഖ്യമന്ത്രി പറയുന്നു. അട്ടപ്പാടി ഷോളയൂരില് ആദിവാസി മൂപ്പനെയും മകനെയും അറസ്റ് ചെയ്ത സംഭവത്തില് പ്രതിപക്ഷത്തിന്റെ അടിയന്തിര പ്രമേയത്തിന് മറുപടി നല്കുകയായിരുന്നു അദ്ദേഹം.
പോലീസ് ജനങ്ങള്ക്ക് എതിരാണെന്ന പ്രചാരണം തെറ്റാണ്. പൊലീസ് നാടിനെതിരായ സേനയെന്ന് വരുത്തി തീര്ക്കാനാണ് ശ്രമം. പൊലീസ് ജനകീയ സേന എന്ന നിലയിലാണ് പ്രവര്ത്തിക്കുന്നത്. ദുരന്തങ്ങളില് ജനങ്ങളോട് ചേര്ന്നു നിന്ന് പ്രവര്ത്തിച്ചതാണ് പൊലീസ്. അതാണ് നമ്മുടെ നാട്ടിലെ അനുഭവം. മഹാ പ്രളയത്തില് അടക്കം അത് കണ്ടതാണ്. മഹാമാരി കാലത്തും പൊലീസ് പ്രവര്ത്തനം മാതൃകാപരമായിരുന്നു. പിഴ ചുമത്തുന്നത് മഹാ അപരാധം എന്ന മട്ടില് കാണരുതെന്നും മുഖ്യമന്ത്രി പറയുന്നു.
പൊലീസ് ചെയ്യുന്നത് സര്ക്കാര് ഏല്പ്പിച്ച ചുമതലയാണ്. ത്യാഗ പൂര്ണ്ണമായ പൊലീസിന്റെ പ്രവര്ത്തനത്തെ രാഷ്ട്രീയ നേട്ടത്തിനായി നിസ്സാര വല്ക്കരിക്കരുത്. പൊലീസിനെതിരെ നടക്കുന്നത് പ്രചാര വേലയാണ്. ഏറ്റവും നല്ല ക്രമസമാധാനം പുലരുന്ന സംസ്ഥാനമാണ് കേരളം. അതില് പൊലീസിന് ഉള്ള പങ്ക് പ്രധാനമാണ്. പൊലീസ് ജനങ്ങളുടെ കണ്ണീരൊപ്പുന്നുവെന്നും നാട്ടില് ക്രമസമാധാനം പുലരാന് ആഗ്രഹിക്കാത്തവരാണ് പൊലീസിന് എതിരായ പ്രചാരണത്തിന് പിന്നില് ഉള്ളതെന്നും മുഖ്യമന്ത്രി പറയുന്നു. വീണ്ടും വോട്ട് ചെയ്ത് വിജയിപ്പിച്ചവര് നിയമസഭയിലെ മുഖ്യമന്ത്രിയുടെ വാക്കുകള് കേള്ക്കാതെ പോകരുത്…