കേരള പോലീസിനെതിരെ നടപടിയെടുക്കേണ്ട അവസ്ഥയിലേക്ക് കാര്യങ്ങള് എത്തിയിരിക്കുന്നു. 19കാരന്റെ പരാതിയില് പോലീസ് ഉദ്യോഗസ്ഥന് സസ്പെന്ഷന്. ശ്രീകാര്യത്തില് ബലിയിടാന് പോയ വിദ്യര്ത്ഥിയെക്കൊണ്ട് പിഴയടപ്പിച്ച സംഭവം വലിയ ചര്ച്ചകള്ക്ക് വഴിവെച്ചിരുന്നു. സിവില് പോലീസ് ഓഫിസര് അരുണ് ശശിയെ ആണ് സസ്പെന്ഡ് ചെയ്തത്. സിഐയ്ക്കെതിരെ അന്വേഷണം നടത്തണമെന്നും കമ്മീഷന് ഉത്തരവിട്ടു. വിദ്യാര്ത്ഥിയില് നിന്നും പിഴയായി 2000 രൂപ വാങ്ങിയിട്ട് 500 രൂപയുടെ രസീത് നല്കിയതിനെതിരെയാണ് നടപടി. ഞായറാഴ്ചയാണ് സംഭവം നടന്നത്. പത്തൊന്പതുകാരനും അമ്മയും സഞ്ചരിച്ച കാര് സ്റ്റേഷനില് എത്തിച്ച് പൊലീസ് പിഴ ഈടാക്കുകയായിരുന്നു. 2000 രൂപ പിഴ അടച്ചിട്ട് 500 രൂപയുടെ രതീസ് നല്കി തിരിച്ചയക്കുകയാണ് ചെയ്തത്. വീടിന് സമീപമുള്ള ക്ഷേത്രത്തിലേക്ക് ബലിതര്പ്പണത്തിനായി പോയതായിരുന്നു അവര്.
സത്യവാങ്മൂലം പോലും ചോദിക്കാതെയാണ് പോലീസ് പിഴ ചുമത്തിയത് എന്ന് വിദ്യാര്ത്ഥി പറഞ്ഞിരുന്നു. കൈവശം അത്രയും പണം ഇല്ലാതിരുന്നതിനാല് എടിഎമ്മില് നിന്നും പണമെടുത്താണ് ശ്രീകാര്യം സ്റ്റേഷനിലെത്തി പിഴയടച്ചത്. എന്നാല് പോലീസ് നല്കിയ 500 രൂപയുടെ രസീതാണ്. വീട്ടിലെത്തിയ ശേഷമാണ് തുക പരിശോധിച്ചത് എന്നും നവീന് പറഞ്ഞിരുന്നു. എഴുതിയതില് പറ്റിയ പിഴവാണിതെന്നാണ് പോലീസിന്റെ വിശദീകരണം. ഇത് അറിയാനായി നവീനിനെ വിളിച്ചിപ്പോള് ഫോണ് എടുത്തില്ലെന്നും പോലീസ് പറയുന്നു. രണ്ടായിരം രൂപക്കുള്ള കേസാണ് എടുത്തെന്നും സ്റ്റേഷന് അക്കൗണ്ടില് പണമുണ്ടെന്നും വിശദീകരിക്കുന്നുണ്ട്.
പോലീസിന്റെ അനാസ്ഥ തെളിവ് സഹിതമാണ് നവീന് പുറത്തുവിട്ടത്. ഇതോടെ മേലുദ്യോഗസ്ഥര്ക്ക് നടപടിയെടുക്കാതിരിക്കാനായില്ല. തുടര്ന്നാണ് പോലീസ് ഉദ്യോഗസ്ഥനെ സസ്പെന്ഡ് ചെയ്തത്.