കഴിഞ്ഞ കുറച്ച് ദിവസങ്ങളായി ഇന്ത്യയിലെ പലഭാഗങ്ങളിലും വ്യാപകമായ മഴ ലഭിക്കുന്നുണ്ട്. കനത്ത മഴയെതുടര്ന്ന് പല സംസ്ഥാനങ്ങളിലും വെളളപ്പൊക്കവും മണ്ണിടിച്ചിലും കൊണ്ട് ജനങ്ങള് ബുദ്ധിമുട്ടുകയാണ്. മഹാരാഷ്ട്ര,കര്ണാടക,ഹിമാചല് പ്രദേശ് എന്നിവിടങ്ങളിലാണ് കനത്ത മഴ കൂടുതല് പ്രശ്നങ്ങള് സൃഷ്ടിച്ചിരിക്കുന്നത്.
ഞെട്ടിക്കുന്ന ഒരു മണ്ണിടിച്ചലിന്റെ ദൃശ്യങ്ങളാണ് കഴിഞ്ഞ മണിക്കൂറില് പുറത്തെത്തിയിരിക്കുന്നത്. ഹിമാചല് പ്രദേശിലാണഅ ഇത് നടന്നിരിക്കുന്നത്. ഈ മണ്ണിടിച്ചലിനെ തുടര്ന്ന് നൂറ് മീറ്ററോളം ദൈര്ഷ്യമുള്ള റോഡ് ഉള്പ്പെടുന്ന മലയുടെ ഒരു ഭാഗം ഇടിഞ്ഞിറങ്ങുന്ന വീഡിയോയാണ് സമൂഹമാധ്യമങ്ങള് വഴി ഇപ്പോള് പ്രചരിച്ചു കൊണ്ടിരിക്കുന്നത്. അതി ഭീകരവും ഞെട്ടിക്കുന്നതുമായ ദൃശ്യങ്ങളാണ് ഈ വീഡിയോയില് ഉള്ളത്. വെള്ളിയാഴ്ച പുലര്ച്ചെ സിര്മൗര് ജില്ലയിലെ കാളിദംഗിലാണ് സംഭവം നടന്നിരിക്കുന്നത്. ഇതിനെ തുടര്ന്ന് ദേശീയ പാത 707 ല് ഗതാഗതം മുടങ്ങിയിരിക്കുകയാണ്.
പവോന്ഡ സാഹിബ്-ഷില്ലായ് ഹട്കോട്ടി ദേശീയ പാതയുടെ ഭാഗമാണ് ഇടിഞ്ഞിരിക്കുന്ന മല. ഈ മലയെ ചുറ്റി കടന്നു പോകുന്ന റോഡ് ഉള്പ്പെടുന്ന മലയുടെ ഭാഗം ഇടിഞ്ഞ് താഴുന്നതാണ് വീഡിയോയില് ഉള്ളത്. നിമിഷങ്ങള്ക്കുള്ളില് നൂറ് മീറ്ററോളം റോഡ് ഇങ്ങനെ അപ്രത്യക്ഷമായി. അതേസമയം സംഭവത്തില് ആളപായം ഇല്ലെന്ന് അധികൃതര് വ്യക്തമാക്കുന്നു.
കനത്ത മഴയും മേഘവിസ്ഫോടനവും മൂലം ഏതാനും ദിവസങ്ങളായി ഹിമാചല് മേഖലയിലെ നിരവധി ഇടങ്ങളില് കനത്ത മഴയും മിന്നല് പ്രളയവും ഉണ്ടായിരുന്നു. മണ്ണിടിച്ചലിനെ തുടര്ന്ന് സിര്മൗര് ജില്ലയിലെ മറ്റൊരു അപകടത്തില് ഒരു സ്ത്രീ മരിക്കുകയും ഒന്പതോളം പേര്ക്ക് പരിക്കേല്ക്കുകയും ചെയ്തിരുന്നു.
ഇന്നുണ്ടായ മണ്ണിടിച്ചില് മൂലം ലഹൗല് സ്പിറ്റി മേഖലയില് 175 വിനോദ സഞ്ചാരികള് കുടുങ്ങി കിടക്കുന്നതായും റിപ്പോര്ട്ടുകളുണ്ട്.