വിവാഹമോചന സമയത്ത് വളരെ വൈകാരികമായി സംസാരിച്ച നടി സരിതയുടെ വീഡിയോയാണ് ഇപ്പോള് വൈറലാകുന്നത്. അന്ന് സരിത പറഞ്ഞത് ഒരു സ്ത്രീക്കും ഈ ഗതി ഉണ്ടാകരുതെന്നാണ്. കോടതി ഒരു തവണ പോലും തന്റെ ആവശ്യം പരിഗണിച്ചിരുന്നില്ലെന്നും തന്റെ ഭാഗം കേട്ടില്ലെന്നും സരിത പറയുന്നു. എന്റെ മക്കള്ക്ക് എന്താണ് ഞാന് പഠിപ്പിക്കേണ്ടതെന്നും അന്ന് സരിത കരഞ്ഞുകൊണ്ട് പറഞ്ഞിരുന്നു.
അതേസമയം, താനും മുകേഷും തമ്മിലുള്ളത് കുടുംബപരമായ പ്രശ്നങ്ങള് മാത്രമാണെന്ന് മേതില് ദേവിക മാധ്യങ്ങളോട് പ്രതികരിക്കുകയുണ്ടായി. മുകേഷിനെ വില്ലനായി ചിത്രീകരിക്കുന്നതില് തനിക്ക് യോജിപ്പില്ല. സമാധാനപരമായ വിവാഹമോചനത്തിന് മാധ്യമങ്ങള് അനുവദിക്കണമെന്നും വിവാഹമോചനക്കാര്യം പുറത്തുവിട്ടത് താനല്ലെന്നും മേതില് ദേവിക പറയുന്നു. രണ്ടുപേരുടെയും ആശയങ്ങള് തമ്മില് യോജിച്ച് പോകാത്ത സാഹചര്യം ഉണ്ടായി. മുകേഷ് എന്നും മികച്ച നടന് തന്നെയാണ് എന്നാല് നല്ലൊരു ഭര്ത്താവായിരുന്നില്ല.
വിവാഹമോചനം വേണമെന്ന് താന് നേരത്തെ തന്നെ മുകേഷിനോട് പറഞ്ഞിരുന്നു. അദ്ദേഹത്തിന്റെ തിരക്കുകള് കാരണമായിരിക്കാം അത് ഗൗരവമായി എടുത്തില്ല. താന് ഈ വിഷയത്തില് ഗൗരവമായി തന്നെ മുന്നോട്ടുപോകുകയാണെന്നും മേതില് ദേവിക പറയുന്നു.